Gabonak direla eta, Ondarroako Udalak tabernen itxiera ordua luzatu du
Ondarroako Udalak jakitera eman duenez, Gabonetako eta Gabon aurreko egun batzuetan herriko tabernen itxiera ordua bi ordu luzatuko da. Ondoko egunetan aldatuko da itxiera ordua: abenduak 15, 22, 24 eta 31. Lau egun horietan, ondoko itxera ordua edukiko dute herriko tabernek:
- Bigarren taldekoak (tabernak, ardandegiak, kafetegiak, jatetxeak…): 04:30ean.
- Hirugarren taldekoak (taberna bereziak, klubak, pubak…): 06:00etan.
- Laugarren taldekoak (dantzalekuak, diskotekak, kafe antzokiak…): 08:00etan.
- 03:00etatik aurrera tabernek bolumena 65 dB (A)-ra jaitsi beharko dute.
- Ixteko ordutik aurrera, musika kendu eta lokala itxi egingo da. Lokala husteko 30 minutu egongo dira.
- Kalean ezingo da musika ekiporik ipini.
- Lokaletako ateak itxita egotea zaindu beharko da, soinua kanpora ez ateratzeko eta auzokideei ez eragiteko. Era berean, komunak irekita eta osasun egoera egokian egon beharko dira.
- Terrazak 02:00etarako kenduta egon beharko dira.
- Kontsumoaren Legearekin bat etorrita, gogorarazi kaltebideetan alkohola kontsumitzeari buruz indarrean dagoen araudia.
- Establezimenduak ixten direnetik berriro zabaltzen direnera arte, gutxienez sei orduko epea errespetatu beharko da.
