Musika jolas bidez lantzeko aukera eduki dute Markina-Xemeingo haurrek
Izeba Tekla familientzako ikuskizunagaz gozatzeko aukera eduki dute gaur [urtarrilak 12] hainbat haur eta gurasok Markina-Xemeingo Uhagon kulturgunean. Xabier Lizaso piano jotzailearen eskutik, saioak jolasa eta musika uztartu ditu.
Bertaratu direnek, hain zuzene ere, musika oso modu dibertigarri eta didaktikoan deskubritzeko aukera eduki dute. Jolasa erabili dute tresna modura ikasteko. “Ikuskizunak emozio mundua eta musika uztartzen ditu, eta horretarako bidea jokoa da”, agertu du Lizasok.
Haurrak eta musika izan dira saioko protagonista, eta, tartean, kontzertu batean behar diren jarrerak ere landu dituzte: isiltasunaren beharra, talde lana, jarrera mantentzea, ohitura… Joku batetik bestera joan dira prozesuan ikasten, eta bukaeran joku bihurtutako kantu bat ikasi dute.
Izeba Tekla ikuskizunaren une bat, Uhagonen
