Zatozteren Gabonetako zozketak baditu irabazleak
Iker Osak, Marta Garciak eta Maite Azpirik 1.600 euroko sari bana jaso dute Miren Alkorta, Maria Eugenia Lavin, Arraitz Urrosolo eta Esteban Markuerkiaga Zatozteko bazkideen eskutik.
Zatozteren Gabonetako zozketako sarituak. Argazkia: Zatozte Zatozte Ondarroako merkatari eta ostalarien elkarteak Herrian erein, herria loratuz lelopean egin duen Gabonetako kanpaina bereziaren baitan egin duten zozketaren irabazleek gaur [urtarrilak 16] jaso dute saria Zatozteren bulegoan.
Idoia tabernan emandako 123.111 zenbakidun txartelak (lehen sariaren lehen ordezkoa), Lavin dendan emandako 124.757 zenbakidun txartelak (bigarren sariaren bigarren ordezkoa) eta Estetika Idagan emandako 54.874 zenbakidun txartelak (hirugarren saria) izan dira aurtengo irabazleak. Iker Osak, Marta Garciak eta Maite Azpirik 1.600 euroko sari bana jaso dute Miren Alkorta, Maria Eugenia Lavin, Araitz Urrosolo eta Esteban Markuerkiaga Zatozteko bazkideen eskutik.
Saridun bakoitzak 100 euroko hamasei bono jaso ditu Zatozteko saltokietan gastatzeko; horiek maiatzaren 15era arteko epean erabili ahal izango dituzte.
Herrian erosteari saria. Zatoztek modu horretara, herritarren fideltasuna eta herrian erosteari saria eman dio Gabonetako kanpaina bereziagaz. Merkataritza kanpaina polito joan dela azpimarratu dute. “Jendeak Gabonetan opariak herrian erosteko ohitura du. Guk, gure aldetik, asko eskertzen dugu herritarrek herrian erostea. Bezeroak dira guri bizia ematen digutenak. Garrantzia handia du herrian erosteak. Izan ere, herrian gastatzen dena, gero herriari bueltatzen zaio”.
