Ondarroa bigarren sailkatu da Portugaleteko jaitsieran
Ondarrutarrak 24 segundo eta 7 ehunenera sailkatu ziren. Lekeitiarrak zazpigarren eta zortzigarren geratu ziren
Argazkia: Ondarroako Kirolaren Leihoa/Facebook Zierbena A izan zen azkarrena atzo eguediko traineru jaitsieran. 20 minutu, 49 segundo eta 4 ehunen markatu zituen irabazleak, eta ondarrutarrak 24 segundo eta 7 ehunenera sailkatu ziren.
Lekeitiarrak zazpigarren eta zortzigarren geratu ziren. Isuntza A Zierbenarengandik 49 segundo eta 8 ehunenera sailkatu zen (21:39.2) eta Isuntza B lehenengoarengandik 55 segundo eta 4 ehunenera geratu zen (21:44.9).
Emakumezkoetan azken aurreko postuan geratu zen Ondarroa. Orio izan zen onena, 18 minutu, 5 segundo eta 6 ehuneneko denboragaz, eta Hondarribia sailkatu zen bigarren, Oriorengandik 33 segundo eta 4 ehunenera. Ondarroako traineruak 19 minutu, 32 segundo eta 8 ehunen markatu zituen amaieran.
Beteranoetan Fortunak egin zuen denborarik onena: 17:03.5. Iberia 24 segundo eta 9 ehunenera geratu zen.
