Euskal Herriko Mus Txapelketako kanporaketa saioa, asteburuan, Lekeition
Lekeition jokatuko da kanporaketa saio bat, domekan (urtarrilak 27), 16:00etan. Izena emateko epea zabalik dago, baita egunean bertan ere.
2016an Lekeition jokatutako kanporaketa saioa Herrietako txapelketak urtarrilaren 31 baino lehen jokatu behar direla esan dute. Hala, domekan jokatuko da Lekeition kanporaketa bat, 16:00etan, Guzurmendi tabernan. “Aurretiaz Guzurmendira joanda ere izena eman ahal da, baina gehienek egunean bertan izena ematen dute, 16:00etarako agertuta”.
Bikoteko 20 euro ordaindu behar dira, eta sailkatzen direnek herrialdetako txapelketa jokatu beharko dute; Bizkaikoa otsailaren 23an jokatuko da, Zeberion. Azken horretan sailkatuz gero, Euskal Herrikorako sailkatuko lirateke, eta hori martxoaren 16an jokatuko da, Lizarran (Nafarroa).
Antolatzaileak parte hartzera animatu nahi dituzte herritarrak. “Datozela domekan Lekeitiora. Beste herri baten bizita ere parte hartu ahal da eta.
EGUTEGIA:
- Urtarrilaren 31ra arte: Herrietako kanporaketa saioak
- Otsailak 23: Herrialdeko kanporaketak
- Bizkaiko kanporaketa: Zeberion, 10:00etan, Herriko Tabernan.
- Arabako kanporaketa: Agurainen, 10:00etan, Herriko Tabernan.
- Gipuzkoako kanporaketa: Zaldibian, 15:00etan, Herri Antzokian.
- Nafarroa Garaiko kanporaketa: Iruñean, 08:30ean, Alde Zaharreko Arrano tabernan.
- Behe Nafarroako kanporaketa: Bankan, 15:00etan, Herri Antzokian.
- Lapurdiko kanporaketa: Urruña-Pausun, 15:00etan, Xaia ostatuan.
- Zuberoako kanporaketa (otsailak 16): Urdinarben, 15:00etan, Xistera ostatuan.
SARIAK:
- Txapeldunak: 3.000 euro, nazioartera bidaia lau lagunentzako (Karibera dena barne), txapela eta garaikurra.
- Txapeldun ordeak: 1.500 euro, bi lagunentzako nazioartera bidaia (Karibera dena barne) eta garaikurra.
- 3. bikote sailkatua: 750 euro eta asteburuko egonaldia lau lagunentzako.
- 4. bikote sailkatua:500 euro eta euskaraz ikasteko urte osorako 2 matrikula.
- 5.etik 8.era sailkatutako bikoteak: 250 euro.
- 9.etik 16.era sailkatutako bikoteak: 100 euro.
- Parte hartzaile guztientzako: Oroigarria.
