Ondarroako EH Bilduk udal hauteskundeetarako zerrenda aurkeztuko du
Maiatzaren 26ko udal hauteskudeentara begira osatu duten hautagai zerrendaren aurkezpen ekitaldia domekan [maiatzak 5]egingo dute, 12:30ean, Alamedan. Zunbeltz Bedialauneta Ibaibarriaga alkategaia buru dutela hamazazpi laguneko lantaldea aurkeztuko dute.
Aurreratu dutenez, ekitaldian ezker abertzaleko herriko alkate ohiak ere egongo dira. Era berean, Maddalen Iriarte legebiltzarkidea eta Unai Urruzuno Gasteizen EH Bilduk duen bozeramailea ere egongo dira zerrendari babesa ematen. Berbaldia ere eskainiko dute.
Eguenean [maiatzak 2], berriz, hauteskundeak hizpide izango dituzte. Herri batzarra 19:00etan egingo dute Guzur Etxean. Igaro berri diren Espainiako hauteskundeak eta datozen foru eta udal hauteskundeei buruz berba egiteko aukera izango dute bertaratzen direnek.
