Ondarroako Kamiñazpiko Jaiak, maiatzaren 31n eta ekainaren 1ean

Maiatzaren 31n 18:00etan hasiko dira jaiak, txupinazoagaz eta txosnaren irekieragaz. Puro Relajo, DJ Juseff, Tximeleta eta DJ Bull ariko dira bi egunetako gauak girotzen.

Asier Alkorta

Ondarroa

2019/05/08

Aurreko urteetako egitarau jarraituz, aurten ere antzerako ekintzak egingo dira Ondarroako Kamiñazpiko jaietan. Aurten, baina, zer edo zer aurrerago ospatuko dira jaiak. Izan ere, egutegia dela eta, maiatzaren 31n hasiko dira jaiak.

MAIATZAK 31, BARIKUA

18:00: Txupinazoa eta txosnaren irekiera.
20:00: Pop-rock saioa, Unanue Musika Eskolaren eskutik.
22:00: Play back lehiaketa.
23:30: Kontzertua (Puro Relajo eta DJ Juseff)

EKAINAK 1, ZAPATUA

10:00: Kamiñazpiko XV. Pala Txapelketa.
11:00: Umeentzako ekintzak: txirrindu ginkana (Aurrera Txirridu Elkartearen eskutik), herri kirolak eta aurpegia margotzeko tailerra.
11:00: Txistulariak.
11:30: Puzgarriak (14:30ak arte).
13:00: Paellak prestatzen hasi.
15:00: Bazkari herrikoia.
16:30: Bertsolarien saioa (Maddalen Arzallus eta Aitor Mendiluze).
17:00: Poni eta zezen txikiak, frontoian.
18:00: Umeentzako zinema emanaldia, Olee-ren eskutik (Ibai Ondoko etxeen azpiko tunelean).
18:30: Puzgarriak (20:30ak arte).
19:00: Kontzertuak: Tximeleta (19:30ak lehen saioa, eta 23:00etan bigarrena) eta DJ Bull (21:00etan lehen saioa eta 02:00etan bigarrena).