Musika grabaketa ikastaroa antolatu du Mutrikuko Rock Kolektiboak
Antolatzaileek jakitera eman dutenez, edozeinek parte hartu dezake zapatuan [ekainak 8] Mutrikuko AME musika estudioan ikastaroan; izena ematea doakoa da. Interesa dutenek mrktarock@gmail.com helbide elektronikora idatzi beharko dute barikua [ekainak 7] baino lehen. “Izen-abizenak eta kontaktuan jartzeko telefono zenbaki bat ere bidali, badaezpada”.
Ikastaroa Axular Arizmendi soinu teknikariak emango du, eta hiru orduko iraupena izango du. “10:00etan hasi eta 13:00etan amaitu dugu. USB memoria bat ere eraman”. Antolatzaileek azpimarratu dutenez, musika grabaketari buruzko oinarrizko ikastaroa izango da. “Grabaketak egiteko erabiltzen den Cubase programari buruzko hainbat azalpen emateaz gain, programa zelan erabiltzen den probatzeko aukera edukiko dugu”.
