Ispasterko VIII. Mendi Martxa, domekan
Egunean bertan ere izena eman ahalko da, proba hasi baino 30 minutu lehenago. Ibilbide luzea, BTT martxa, lasterketa eta ibilbide laburra egingo dira.
Beste behin ere Mendi Martxa egingo dute Ispasterren. Domekan egingo da [irailak 15]. Irailaren 10ean amaitu zen aldez aurretik izena emateko epea. Dena dela, egunean bertan ere izena eman ahalko dela esan dute antolatzaileek; proba hasi baino 30 minutu lehenago izena eman ahalko da.
14 urtera artekoek 12 euro ordaindu beharko dituzte, eta gainontzekoek 17 euro. Lau proba egongo dira aukeran: ibilbide luzea eta lasterketa (23 kilometro), BTT (28 kilometro) eta ibilbide laburra (10 kilometro).
Ibilbide luzea egingo dutenak 08:30ean aterako dira. BTT martxakoak, ostera, 09:30ean. Lasterketako parte hartzaileak 10:00etan, eta ibilbide laburrekoak 10:30ean. Denek plazatik irtengo dute.
