Gardotza industriagune inguruko lanak aste honetan amaitzea aurreikusi dute
Zirkulazioa arautzen dagoen semaforoa ere kenduko dute lanak bukatzearekin batera. Obrak BI-633 errepidea hobetzeko aldundia burutzen ari den proiektuaren parte dira.
Berriatuko Gardotza industriagune inguruko lanak aste honetan bukatzea aurreikusten du Bizkaiko Foru Aldundiak. Ur hoditeria berritzen ari dira, hondarrezko kutxak kendu eta hormigoizko hodiak sartzen. Lanek iraun bitartean, zirkulazioa arautzen semaforo bat dago errepidean, baina zonaldeko obrak bukatzearekin batera, semaforoa ere kenduko dute. Ekonomia eta Lurralde Garapena Sustatzeko Saila BI-633 errepidea hobetzeko proiektuaren barne daude obra horiek.
