Mutilen xistera zirkuitua Munitibarrera helduko da asteburuan
Harinordoquy eta Urrutia pilotariak. Argazkia: Xistera Mutilen Xistera Zirkuituak bi saio izango ditu asteburu honetan. Zapatuan [urriak 19], 16.00etatik aurrera, Donibane Garazin izango da saioa, eta bertan hiru maila nagusikoak ariko dira, hirugarren faseko bigarren jardunaldia jokatuz. Guztira, hamar jardunaldi izango dira.
Bigarren mailakoak hasiko dira lanean, eta ondoren lehen mailakoek jokatuko dute. Bi maila horietan bina kiniela jokatuko dituzte 15tantotara.
Ondoren, hirugarren mailakoak aterako dira kantxara; maila horretako puntistek bi kiniela jokatuko dituzte 10 tantora.
Bestalde, domekan [urriak 20], Kadeteen zirkuituko saioa izango dute Munitibarren. Bosgarren saioa izango dena 11.00etatik aurrera jokatuko dute puntistek. Guztira, bi kiniela jokatuko dituzte, bakoitza 15 tantora.
