Larrialdi zerbitzuek gizon batek bere buruaz beste egitea eragotzi dute Ondarroan
Gizonezkoa argindarraren zutabeteetako batera igo da Zaldupen.
Larrialdi zerbitzuak Ondarroako Zaldupe futbol zelaiaren aurrean Herrizaingo Saileko iturriek jakitera eman dutenez, gizonezko bati bere buruaz beste egitea eragotzi diote larrialdi zerbitzuek gaur [azaroak 6], Ondarroan. Herrizaingo Sailak adierazitakoaren arabera, gertaera 10:30ak aldera jazo da Zaldubide kalean. Antza denez, 27 urteko gizonezko bat Zaldupe futbol zelaia argiztatzen duten zutabeetako batera igo da, eta bere buruaz beste egiteko asmoa zuela iragarri du.
Ertzaintza, udaltzaingoa, suhiltzaileak eta anbulatzia bat bertaratu dira. Gizonezkoa, ustez, ordu batzuez egon da zutabera igota, eta erortzeko arriskua ikusi dutenez, udaltzaingoek ertzainetako bati zutabera igotzen lagundu diote. Ertzainak gizonezkoarekin hitz egiteko aukera eduki du, eta jaisteko konbentzitu dute. Gizonezkoa bere kabuz onik jaitsi da, baina oso ahul. Ostean Galdakao-Usansoloko ospitalera eraman dute.
