Azaroko hotza berotzeko prest datoz sanmartinak
Aulestiko eta Isparterko herritarrek San Martin Eguna ospatuko dute; batzuek zapatuan eta besteek astelehenean, zer edo zer egin edukiko dute.
Sanmartinak ospatzen, Malats auzoan. Argazkia: Malats auzoko jai batzordea Sanmartinak antzinako ohitura eta tradizioak berreskuratu eta herrietara hedatzeko gogotsu datoz beste urte batez. Azaroaren 11 baserrietan txerria hiltzeko eguna izaten zen, eta horri jarraituz, txerrikia jateko egun aproposa izaten da San Martin Eguna.
Aurten jai eguna astelehena bada ere, aurreko egunetan ere zer ospatu edukiko dute Lea-Artibaiko hainbat herritan. Aulestiko Malats auzoan, esate baterako, zapatuan batuko dira; ohi bezala meza nagusia ospatuko dute, eta ostean kopauagaz gozatzeko aukera edukiko dute auzokoek, trikitilarien musikak goiza girotzen duen bitartean.
Ispastertarrek San Martin Egunean egingo dituzte ospakizunak. Horiek ere meza nagusia entzuteko batuko dira; urtero legez Martin Deunaren baselizan egingo dute.
Egitaraua:
- Aulesti (Malats auzoa), zapatua, azaroak 9: 12:00etan meza. Ondoren, kopaua. Trikitilariek alaituko dute giroa goizean.
- Ispaster, astelehena, azaroak 11: 11:30ean meza, Martin Deunaren baselizan. Ondoren, gaztaina erreak banatuko dituzte.
