Ondarroako Apustu Etxeen Aurkako Plataformari Facebook kontua itxi diote
Plataformako kideek azaldu dutenez, Facebook orrialdea salaketa bat jaso dutelako itxi diete. Beste bat zabaltzea aztertzen ari dira.
Ondarroako Apustu Etxeen Aurkako Plataformako kideek salatu dutenez, Facebook kontua itxi diete. “Orrialdea itxi digute, orrialdeak berak salaketa jaso duelako”.
Orrialdea martitzenean [urtarrilak 21] itxi zutela ohartu ziren. “Astelehenean [urtarrilak 20] kasua aztertzen ari zirenari buruzko mezu bat jaso genuen, eta martitzenean, berriz, kontua ixtea erabaki dutela jakinarazi ziguten”.
Orrialdea berreskuratu ezean, beste kontu bat zabaltzea aztertzen ari dira. “Argi eta garbi laga nahi dugu ez gaituztela geldituko; are gehiago, horrelako gauzek aurrera jarraitzeko gogo eta arrazoi gehiago ematen digute”.
