Zabalik dago Ondarroako III. Jose Mari Naberan Herri Kroserako izen ematea
Lasterketa handirako izen ematea martxoaren 13an gauerdia aurretik egin beharko da Kirolprobak atarian, 12 euro ordainduta.
Zubi Zahar herri ikastolaren ekimenez, martxoaren 15ean egingo dute Ondarroako III. Jose Mari Naberan Herri Krosa. Lasterketagaz, aurten ere, aitortza egingo diote Jose Mari Naberan zenari. Antolatzaileek jakitera eman dutenez, lasterketa handirako izen ematea martxoaren 13an gauerdian amaituko da. Izen ematea Internet bidez egin beharko da Kirolprobak atarian, 12 euro ordainduta.
Lasterketa txikirako eta ertainerako izen ematea, berriz, egunean bertan egin beharko dute korrikalariek, 10:30etik aurrera Itsasaurren. Izen ematea 2 euro izango da. Lasterketak aurten ere kutsu solidarioa edukiko du; bi lasterketetatik batzen den dirua Arnasa elkarteari bideratuko diotela jakinarazi dute.
Herri Krosak, ohi modura, Itsasaurre plazan hasi eta amaituko diren hiru luzera desberdinetako ibilbide edukiko ditu aukeran: txikia, ertaina eta handia. Txikiak 380 metro edukiko ditu, eta 11:00etan hasiko da. Ertainak 1.340 metro ditu, eta ordu berean hasiko da. Azkenik, 7.200 metroko ibilbidea duen lasterketa handia 12:00etan hasiko da.
