Hiru kasu positibo gehiago baieztatu dituzte Lea-Artibain eta Mutrikun
Guztira 27 positibo erregistratu dituzte eskualdean. Azken 24 orduetan Lekeition, Ondarroan eta Etxebarrian erregistratu dituzte kasu positibo berriak. Bizkai, Gipuzkoa eta Araban 6.838 dira zenbatutako positiboak.
Beatriz Artolazabal gaur goizeko agerraldian. Argazkia: Irekia Eusko Jaurlaritzak gaur [apirilak 1] eguerdiko agerraldian emandako datuen arabera, 27 kasu positibo zenbatu dituzte Lea-Artibain eta Mutrikun. Ondoko herrietan erregistratu dituzte positibo berriak: Lekeitio, Ondarroa eta Etxebarria. Datuak atzo [martxoak 31] 20:00ak artekoak dira.
- Markina-Xemein: 7 positibo (aurreko eguneko datu bera)
- Mutriku: 6 positibo (aurreko eguneko datu bera)
- Lekeitio: 6 positibo (1 gehiago azken 24 orduetan)
- Ondarroa: 4 positibo (1 gehiago azken 24 orduetan)
- Etxebarria: 2 positibo (1 gehiago azken 24 orduetan)
- Mendexa: 1 positibo (aurreko eguneko datu bera)
- Berriatua: 1 positibo (aurreko eguneko datu bera)
Bizkai, Gipuzkoa eta Araban 6.838 dira zenbatutako positiboak. Hiru lurraldeetan ospitaleratuta daudenak 1.908 dira. Azterketa lurraldeka eginez gero, ondokoak dira datuak:
- Araba: 2.250 positibo (145 gehiago azken 24 orduetan) / 379 ospitaleratuta/149 hildakoak
- Bizkaia: 3.382 positibo (280 gehiago azken 24 orduetan) / 1.179 ospitaleratuta/ 168 hildakoak
- Gipuzkoa: 1.206 positibo (93 gehiago azken 24 orduetan) / 360 ospitaleratuta/ 52 hildakoak
Momentuz, Euskal Autonomia Erkidegoan 16.990 proba egin dituzte. Horietatik 1.532 atzo [martxoak 31], eta orain arteko kopururik handiena dela esan du Mikel Sanchez Planifikazio, Antolamendu eta Ebaluazio Sanitarioko zuzendari. Hortaz, euren ustez, “joera aldaketa baten zantzuak” daude, baina Osasun Sailak gogoratu bezala, kontuz jokatu beharra dagoela zehaztu du.
Osasun sistema bera pandemiaren garapenera egokitzeko ahalegina nabarmendu du, “momentu bakoitzean ahalik eta erantzun egokiena bilatuz”. Testu inguru horretan kokatu du Osakidetzako ZIUen ahalmenaren handitzea, egiten ari den moduan, momentuko beharrei erantzuteko.
