COVID-19aren kasu positibo bat gehiago zenbatu dute Lea-Artibai eta Mutrikun
Guztira 28 daude baieztatuta Lea-Artibain eta Mutrikun. Azken 24 orduetan Markina-Xemeinen erregistratu dute kasu positibo berria; gainontzeko herrietan datuak egonkor mantentzen dira. Bizkai, Gipuzkoa eta Araban 7.317 dira zenbatutako positiboak; 478 kasu berri zenbatu dituzte azken orduetan.
Mikel Sanchez Planifikazio, Antolamendu eta Ebaluazio Sanitarioko zuzendaria gaurko agerraldian. Argazkia: Irekia Eusko Jaurlaritzak gaur [apirilak 2] eguerdiko agerraldian emandako datuen arabera, 28 kasu positibo zenbatu dituzte Lea-Artibain eta Mutrikun. Markina-Xemeinen erregistratu dute kasu positibo berria. Datuak atzo [apirilak 1] 20:00ak artekoak dira.
- Markina-Xemein: 8 positibo (1 gehiago azken 24 orduetan)
- Mutriku: 6 positibo (aurreko eguneko datu bera)
- Lekeitio: 6 positibo (aurreko eguneko datu bera)
- Ondarroa: 4 positibo (aurreko eguneko datu bera)
- Etxebarria: 2 positibo (aurreko eguneko datu bera)
- Mendexa: 1 positibo (aurreko eguneko datu bera)
- Berriatua: 1 positibo (aurreko eguneko datu bera)
Bizkai, Gipuzkoa eta Araban 7.317 dira zenbatutako positiboak. Hiru lurraldeetan ospitaleratuta daudenak 1.906 dira. Azterketa lurraldeka eginez gero, ondokoak dira datuak:
- Araba: 2.347 positibo (97 gehiago azken 24 orduetan) / 341 ospitaleratuta/167 hildakoak
- Bizkaia: 3.682 positibo (300 gehiago azken 24 orduetan) / 1.201 ospitaleratuta/ 187 hildakoak
- Gipuzkoa: 1.288 positibo (82 gehiago azken 24 orduetan) / 364 ospitaleratuta/ 58 hildakoak
COVID-19aren bilakaeraren berri emateko eguneroko agerraldian Mikel Sanchez Planifikazio, Antolamendu eta Ebaluazio Sanitarioko zuzendariak esan duenez, 18.220 detekzio proba egin dituzte orain arte. Atzo bakarrik 1.399 burutu zituzten eta 10etik 3 bakarrik emaitza positiboarekin; “aurreko astetan, positiboen ehunekoak askoz altuagoak ziren eta esan behar da gaur, beste egun batez, positiboek behera egiten jarraitzen dutela”.
