Berdel Eguna izan behar zen egunari itxura eman diote Mutrikun
Koronabirusaren eraginez bertan behera geratu zen gaur Mutrikun ospatu behar zen 25. Berdel Eguna, eta herritarrek ez dute ahaztu nahi izan.
Txistuarekin eta danbolinarekin. Horrelaxe hasi dute gaurko [apirilak 4] eguna Mutrikun. Izan ere, koronabirusak sortutako alarma egoera tarteko, 25. Berdel Eguna bertan behera geratu zen. Dena dela, herritar batzuek ez dute alboratu nahi izan herrian urteko jai egunik garrantzitsuenetako bat izaten dena. Horrela, eta etxetik bada ere, goiza girotu dute.
Horrez gain, eta nahiz eta aurten jai eguna ezingo den ospatu, herritarrei berdelarekin egindako jakien errezetak sare sozialetara igotzeko eskatu diete; #BerdelEgunaEtxean traola erabili behar da.
