Txapelpunkek sortzaileei zuzendutako 'Kulturaren oihua' abestia estreinatu du
Abestiaren letra Iñigito Txapelpunkek egin du; beretzako kultura zer den islatu du. Berak eta Oihane Eskurza Bilbaok jarri diote ahotsa.
Oihane Eskuza Bilbao eta Iñigito Txapelpunk. Argazkia: Txapelpunk Txapelpunk taldeak punk-rocka eta ska musika estiloak uztartzen dituen Kulturaren oihua abestia estreinatu du. Abestia “aldarrikapen oihu” bat dela eta sortzaileei zuzenduta dagoela esan dute. “Horiek bai dira kultura izeneko zuhaitz hilezkor handi honen funtsezko adarrak”. Abestiaren letra Iñigito Txapelpunkek egin du, eta berak eta Oihane Eskurza Bilbaok jarri diote ahotsa.
“Kultura, beti bezala, entzun egin behar da, eta, orain oihu latz bat zuzendu digu”, diote taldekideek. Iñigitok 34 urte daramatza idazten eta konposatzen. Abesti berrian beretzako kultura zer den islatu du Iñigitok.
Konfinatuta, Mendexakua estudioetan grabatu, nahastu eta masterizatu dute apirilaren 14tik 16ra bitartean.
