5.000 biztanletik gorako herriei eragiten dieten neurriak bete beharko dituzte Markina-Xemeinen
Espainiako Gobernuak iragarritako kalera irteteko neurriek zalantzak eragin dituzte. Irizpidea aldatu du Markina-Xemeingo Udalak.
Irizpidea aldatu du Markina-Xemeingo Udalak. Gaur [maiatzak 1] goizean, udalerri nukleo edo herrigune kontzeptua aintzat hartu badute ere Markina-Xemeingo biztanleen biharko irteera neurriak zeintzuk diren erabakitzeko, arratsaldean, beste informazio bat jaso du udalak, eta horren arabera, Markina-Xemein 5000 bizilagunetik gorako herrigunetzat hartu behar dela baieztatu dute.
“Kontuan izan behar dugun irizpidea errolda da, nahiz eta Estatuko Aldizkari Ofizialean herrigune edo udalerri nukleo hitza azaldu”, argitu dute. Markina-Xemeinek 5.000 biztanle baino gehiago ditu. Markina-xemeindarrak, beraz, ordutegi finkoa izango dute bihar [maiatzak 2] kirola egin edo paseoetarako. Ordutegia ondorengoa izango da, beraz:
- Kirol jarduerak edo paseoetarako: 06:00etatik 10:00etara eta 20:00etatik 23:00etara.
- Mendekotasunak dituztenak irteteko: 10:00etatik 12:00etara eta 19:00etatik 20:00etara.
- 14 urtetik beherakoak irteteko: 12:00etatik 19:00etara.
Alkatearen mezuaAZKEN ORDUA:Bihartik aurrera, 5.000 biztanletik gorako herrientzat ezarritako ordutegiak indarrean izango dira Markina-Xemeinen. Hasiera batean, Espainiako Aldizkari Ofizialean zehaztu den “herrigune” kontzeptua hartu du kontuan Udalak. Orain, baina, kriterioa finkatzerakoan errolda datuan oinarritu beharra dagoela jakinarazi zaio Udalari. Xehetasun guztiak Luis Egurrola alkatearen bideoan:ÚLTIMA HORA:A partir de mañana entrarán en vigor en Markina-Xemein las restricciones horarias que se han establecido para municipios de más de 5.000 habitantes. En un principio, el Ayuntamiento se ha basado en el concepto de “núcleo poblacional” que ha fijado el BOE. A última hora se le ha notificado que el criterio a tener en cuenta es el padrón de habitantes. Todos los detalles en el vídeo del alcalde Luis Egurrola.
Publicada por Markina-Xemeingo Udala en Viernes, 1 de mayo de 2020
