Hamaikagarren egunez, Lea-Artibain eta Mutrikun kutsatu berririk erregistratu barik jarraitzen dute
Guztira, pandemia hasi zenetik 94 positibo erregistratu dituzte eskualdean. Lurraldeka, atzo bost kutsatu berri erregistratu zituzten, 3 Araban eta 2 Bizkaian. Osasun Sailak jakinarazi nahi du aurrerantzean astelehenetik barikura argitaratuko dela, "gaur egun koronabirusarekin lotutako ospitale presioa txikiagoa baita".
Hamaikagarren egunez, Lea-Artibain eta Mutrikun ez dute kutsatu berririk erregistratu. Bestalde, Osasun Sailak atzo emandako datuen arabera, pandemia hasi zenetik, COVID-19agatik 6 herritar hil dira Lea-Artibaiko osasun eremuetan: 3 Ondarroan, 2 Markina-Xemeinen eta 1 Lekeition. Guztira, pandemia hasi zenetik 94 positibo erregistratu dituzte eskualdean (denak ez bada gehienak sendatuta daude):
- Lekeitio: 23 positibo
- Ondarroa: 20 positibo
- Markina-Xemein: 18 positibo
- Mutriku: 14 positibo
- Berriatua: 6 positibo
- Etxebarria: 4 positibo
- Mendexa: 3 positibo
- Aulesti: 2 positibo
- Amoroto: 1 positibo
- Ispaster: 1 positibo
- Gizaburuaga: 1 positibo
- Ziortza-Bolibar: 1 positibo
Lurraldeei dagokienez, gaur [ekainak 4] 00:00ak arteko datuen arabera, ondokoak dira lurraldez lurralde PCR proban positibo eman duten kasu berriak:
- Araba: 3.016 positibo (3 kasu gehiago azken 24 orduetan)
- Bizkaia: 7.615 positibo (+2)
- Gipuzkoa: 2.313 positibo (=)
Ospitaleratutakoei dagokioenez, gaur [ekainak 4] goizaldera arteko datuen arabera 22 pertsona daude ZIUn (atzo baino 2 gutxiago). Eta Araba, Bizkai eta Gipuzkoako datuak kontuan hartuta, RO 0,74 dela diote (atzo baino 0,06 altuagoa).
Gaurko [ekainak 4] datuen arabera, guztira, pandemia hasi denetik 16.757 pertsona sendatu dira (%83,8). Oraindik sendatu ez direnak, aldiz, 1.689 dira (%8,4), eta hildakoak 1.561 (azken orduetan 8 pertsona hil dira).
Osasun Sailak jakinarazi nahi du buletin asistentziala, ospitaleratzeen erregistroak jasotzen dituena, aurrerantzean astelehenetik barikura argitaratuko dela, “gaur egun koronabirusarekin lotutako ospitale presioa txikiagoa baita”. Edonola ere, gogorarazi dute COVID-19arekin kutsatuta dauden pazienteen ZIUko okupazioaren datua, aurreko eguneko datuaren aldean okupazioak izan duen aldaketari buruzko datua eta solairuko ospitaleratze berrien datua buletin epidemiologikoan ikus daitezkeela, egunero.
