Kiroldegi batzuk zabaltzen hasiko dira Lea-Artibain eta Mutrikun
Segurtasun neurri zorrotzak hartuta hasiko dira zabaltzen. Momentuz, astelehenean [ekainak 8] Aulestin, Markina-Xemeinen eta Mutrikun zabalduko dituzte. Erabiltzaileek ere desinkektatu egin beharko dituzte erabiltzen dituzten materialak, eta aldagelak ezingo dira erabili.
3. Fasean sartzeaz batera, beste zerbitzu asko bezala, kiroldegiak ere zabaltzen hasiko dira; segurtasun neurriak hartuta zabalduko dutela azpimarratu dute bateko eta bestekoek. Momentuz, HITZAk jakin ahal izan duenera arte, ondokoa da herriz herriko kiroldegien egoera:
- Mutriku: zabalik astelehenetik aurrera. Aurretiaz hitzordua hartu beharko da, telefonoz deituta (943-60 31 75).
- Ordutegia: astelehenetik barikura 09.00-14.00 eta 16.30-21.30. Zapatuan 09.00-14.00, eta domeketan 10:00-12:30.
- Zerbitzuak: 2 zerbitzu mota eskainiko dituzte: Fitness gela (kantxara lekualdatu dute) eta Saio Gidatuak (BTS saioak eta spinning saioak)
- Erreserbak egiteko baldintzak: Ordu bateko tartea erreserbatu ahalko da. Goizeko txandak: 09.00-10.00 // 10.15-11.15 // 11.30-12.30 // 12.45-13.45. Arratsaldeko txandak: 16.30-17.30 // 17.45-18.45 // 19.00-20.00 // 20.15-21.15. “Kiroldegia irekita dagoen ordu bakoitzeko 15 minutuz itxita egon beharko da airea berriztatu eta erabilitako guneak desinfektatzeko”.
- Bestelako arauak: erabiltzailea maskararekin joan beharko da kiroldegira, tenperatura hartuko zaio, eta oinetako pare bi eraman beharko ditu (bata kaletik jantzita eta bestea instalakuntzan erabiltzeko). Botilina eta toalla eramatea ere derrigorrezkoa izango da, eta aldagelak eta dutxak ezingo dira erabili; kirola egiteko arropa etxetik jantzita eraman beharko da. Kiroldegiko garbiketa enpresak egunean bi aldiz “sakon” garbitu eta desinfektatuko du kiroldegia, goizeko txandaren aurretik eta arratsaldeko txandaren aurretik. Dena dela, erabiltzaileek ere erabiltzen dituzten material edo tresnak desinfektatu beharko dituztela esan dute. “Desinfekziorako produktuak eskura edukiko dituzte”.
- Aulesti: zabalik astelehenetik aurrera. Erabilera arauak bertan daude zehaztuta.
- Markina-Xemein: zabalik astelehenetik aurrera, baina igerilekua hilaren 15ean zabalduko dute. Ez da aurretiaz hitzordurik hartu behar, baina aforoa neurtuko da eta erabiltzaileek hainbat neurri hartu beharko dituzte:
- Ordubetez erabili ahalko dira instalazioak; kirol jarduerak ordu puntutik puntura egitea eskatu dute (adibidez: 09:00etatik 10:00etara)
- 15:00etatik 16:00etara gimnasioa eta crossfit kantxa itxita egongo dira, garbiketa eta desinkekzio lanak egiteko.
- Aldagelak ezingo dira erabili.
- Erabiltzaile bakoitzak bi toalla eraman beharko ditu.
- Gimnasioan gehienez 15 pertsona egon ahalko dira batera.
- Padel eta Crossfit kantxetan gehienez 4 pertsona ibili ahalko dira batera.
- Sauna eta rokodromoa ezingo dira erabili.
- Futbol kantxa ez da taldeentzat alokatuko, baina erabilgarri egongo da pertsona bakoitzak bakarka kirola egiteko.
- Higiene eta segurtasun neurriak errespetatzea eskatzen da.
- Kiroldegiko langileek formakuntza zehatza jaso dute egoera berriaren aurrean ahalik-eta ondoen erantzuteko.
- Ur txorroak ezingo dira erabili Osasun Sailaren baimena eduki arte.
- Lekeitio: arduradunek HITZAri jakinarazi diote oraindik ez dutela zabalduko, prestaketak egiten ari direlako.
- Ondarroa: Martitzenin egingo dute bilera udalak, kiroldegiko arduradunek eta kiroldegi zerbitzua kudeatzen duen Jaso Kirolak enpresako ordezkariek. Bilera horretan erabakiko dute noiz, nola, zeintzuk zerbitzugaz eta zer nolako segurtasun eta higiene protokologaz zabaldu.
