Talentua Sustatzeko Bekak eman ditu Markina-Xemeingo Udalak
Bederatzi herritarrek eraman dituzte bekak. Barikuan [ekainak 5] egin zuten banaketa udaletxeko osoko bilkura aretoan.
Talentua Sustatzeko Bekak banatzeko ekitaldia. Argazkia: Markina-Xemeingo Udala Herritarren gaitasun edo ahalmen bereziak saritzea helburu duten Talentua Sustatzeko Bekak eman ditu Markina-Xemeingo Udalak. Udalak 5.000 euro bideratu ditu, guztira, beka horietara, eta aurkeztu diren bederatzi hautagaien artean banatu dute kopuru hori.
Alaitz Aranbarri Gutierrezek (Gimnasia erritmikoa), Mikel Ansola Garitagoitiak (Musika) eta Asier Unzueta Jaiok (Motokrossa) 900 euroko beka jaso dute; Aiora Agirregomezkorta Gandiagak (Atletismoa) 700 eurokoa; Jonan Bilbao Omaetxebarriak (Atletismoa) 500 eurokoa; Ainara Mugartegi Solozabalek (Atletismoa), Julen Amoros Barrutiak (Kooperazioa) eta Naia Egia Aransolok (Kooperazioa) 300 eurokoa, eta Gorka Mugartegi Solozabalek (Atletismoa) 200 eurokoa.
Udalak azaldu duenez, ondorengo irizpideak eduki dituzte kontuan bekak ematerako orduan: eskatzailearen ibilbidea, herriari egindako ekarpena, proiektuaren zailtasun tekniko eta logistikoa, emakumezkoa izatea, ezintasunen bat izatea eta 2019an udalaren diru-laguntzarik jaso ez izana.
Udaletxeko osoko bilkura aretoan egin zuten beka banaketa barikuan [ekainak 5]. COVID-19ak eragindako egoera dela-eta, segurtasun neurriak bermatu asmoz, bakarrik bekadunek parte hartu zuten ekitaldian.
