Umeentzako udako goizetarako aisialdi eskaintza adostu dute Munitibarren
2008-2017 urte bitartean jaiotakoei zuzendutako udalekuak segurtasun eta higiene neurriak betez egingo dituzte. Ekainaren 23tik uztailaren 16ra astean hiru egunez egingo dituzte saioak.
Egungo osasun egoera honetan, Munitibarko Udalak eta Txopitturri Guraso Elkarteak umeentzako aisialdi zerbitzu bat eskaintzea ebatzi dute. 2008-2017 urteen bitartean jaiotakoei zuzendutako udalekuak higiene eta segurtasun neurri guztiak errespetatuz eta talde txikietan burutuko dituzte; hezitzaileko 10 umetik beherako taldeak egitea aurreikusi dute.
Ekainaren 23tik uztailaren 16ra astean hiru egunez egingo dituzte Udaleku bereziak; martitzenetik eguenera 10:00etatik 13:00etara.
Izen ematea. Udalekuetan parte hartzeko aurretiaz izena eman behar da. Ekainaren 15a [astelehena] da izena emateko azken eguna. Interneten eskura dagoen inprimakia beteta izena eman ahal da, edo bestela, liburuan hitzordua eskatuta, 10:00etatik 13:00etara (94-616 57 28 edo liburutegia@munitibar.org).
Munitibarren erroldatuta ez daudenek ere parte hartu ahal dute, baina prezio garestiagoa ezarri dute horientzat. Era berean, seme-alaba kopuruaren araberako prezioak jarri dituzte. Hau da, ume bat baino gehiago daukaten familiek, umeko prezio merkeagoa edukiko dute. Informazio gehiagorako edo zalantzak argitzeko munitibarkoudalekuak@munitibar.org posta elektronikora idatzi daiteke.
