Asteon zabaldu dituzte Mendexako frontoia eta gimnasioa
Gimnasioan gehienez 20 pertsona egon daitezke, eta makinak erabili aurretik eta erabili ostean garbitu behar dituzte erabiltzaileek. Aldagelak eta komunak itxita daude. Frontoia erabili ahal izateko aurretiaz txanda eskatu behar da.
COVID-19ak sortutako alarma egoeraren ondoren, eta normaltasun berrira bueltatzeko asmoz, astelehenean [ekainak 15] zabaldu zituzten frontoia eta gimnasioa. Egoerak eskatzen dituen segurtasun eta higiene neurriak betetzeko, bai frontoian eta baita gimnasioetan ere garbiketarako produktuak jarri dituzte.
Neurriak. Segurtasun eta higiene neurriak errespetatu behar dira gimnasioan zein frontoian. Gimnasioan gehienezko pertsona kopurua 20koa da. Makinak erabili orduko eta erabili ostean norberak garbitu beharko ditu. Aldagelak eta komunak itxita daude.
Frontoia erabili ahal izateko aurretiaz txanda eskatu behar da Mendexako Udaleko webgunean. Frontoitik irtetzean ikututako puntu edota lekuak garbitu behar dituzte erabiltzaileek.
Gimnasioa itxita egon den denboran sortutako “eragozpenak konpentsatu nahian”, abonatuei kuotaren parte proportzionala bueltatuko diete. Helbideratuta duten abonatuei automatikoki egingo diete itzulketa. Txartelarekin edo eskura ordaindu dutenek, ostera, kontu korronte zenbakia eman beharko dute udaleko idazkaritzan.
Edozelako zalantzak argitzeko edota informazio gehiago jakin nahi izanez gero, udaletxera deitu daiteke (94-684 21 06) edo idazkaritza.mendexakoudala@mendexa.net edo arantza@mendexa.net helbide elektronikoetara mezua idatzi.
