Bertso saioagaz gozatu dute Aulestin, sanjoanetako ospakizunen baitan
Ohiko jaiak egin ezin badira ere, aulestiarrek San Joan jaiak nola edo hala ospatzearen alde egin dute. Hala, domekan bertso saioa eduki zuten.
Argazkia: June Prieto. Miren Amuriza, Nerea Ibarzabal, Beñat Gaztelumendi eta Unai Agirre bertsolariak Aulestiko frontoiko oholtzan egon ziren domekan [ekainak 21]. Izan ere, aurten, jaiak ohiko ekintzekin ezin direla ospatu eta, Aulestiko Kultura Batzordeak sanjoanak bertso saio bategaz ospatzea adostu zuen. Aulestiko jaietan kultura garretan lelopean egin zen saioa. Eta segurtasun neurri guztiak beteta, frontoia bete-bete egin zen, eta herritarrek saioagaz gozatu zuten.
Hurrengo ekintza martitzenean [ekainak 23] egingo da. Izan ere, egun horretan 32. Ipuin Topaketako sari banaketa egingo dute, Urregarai eskolako jolastokian. Ekintzara joango diren 6 urtetik gorako herritar guztiek maskara eraman beharko dutela gogorarazi dute. “Horretan ere COVID-19ari aurre egiteko eskatzen diren neurriak jarraitu beharko dira”.
Argazkia: June Prieto.
Argazkia: June Prieto.
Argazkia: June Prieto.
