Uztailaren 4an zabalduko dute Lekeitioko Ikusgarri zinema aretoa
Zinema aretoaren edukiera %60 izango dela esan dute, eta nola ez, maskara derrigorrez erabili beharko da. Beste neurri batzuk ere zehaztu dituzte, eta Ikusgarrira doazenek horiek bete beharko dituzte. Programazioa ere zehaztu dute.
Martxoaren 13an itxi eta gero, Lekeitioko Ikusgarri zinema aretoa uztailaren 4an zabalduko dela esan dute arduradunek. “Ikusita baldintzak malgutzen ari direla, eta, gainera, estreinaldiak ere badatozela, uztailaren 4tik aurrera ateak zabaltzea erabaki dugu”. Ikusgarri “segurtasun neurri guztiekin” zabalduko dutela azpimarratu dute, eta Ikusgarrira doazenek horiek bete beharko dituzte.
Zinema aretoaren edukiera %60 izango dela esan dute, eta nola ez, maskara derrigorrez erabili beharko da. “Esertzen den ikusle edo ikusle talde bakoitzeko eserleku huts bat egon beharko da eskuinean zein ezkerrean”. Sarrerak erosterakoan, leihatilan ilara sortuko balitz, pertsona batetik bestera 1,5 metroko tartea mantendu beharko dela gaineratu dute. “Sartzerakoan, ostera, boluntarioek ez dute txartelik moztuko, ikusleek eurek kutxa batean utzi beharko dute”.
Oro har, elkarteko langileek eta boluntarioek dagokien segurtasun neurriak hartuko dituztela eta ikusleentzako ere alkoholdun gelak eskuragarri egongo direla esan dute. “Prebentzio neurri gisa, komunak itxita egongo dira”.
Saioa amaitzean, eserlekuak eta umeen altzak desinfektatu egingo direla esan dute. “Desinfektatzeko erabiliko den produktuak ez ditu osasuna, arropak ezta eserlekuetako ehunak kaltetzen”.
Umeak. 17:00etako saiora doan 12 urtetik beherako herritarrak heldu batek lagunduta joan beharko dutela diote. “Eta ordu horretako saioa amaitzean, ikusleek larrialdietarako irteera erabili beharko dute, sarrera nagusian hurrengo emanaldira doazenekin pilakaketak saihesteko.
Programazioari dagokionez, ondoko filmak proiektatzea aurreikusten dute. Dena dela, programazioan aldaketak egon ahal daitezkeela esan dute. “Izan ere, ekoizle eta banatzaileak estreinaldiak atzeratzen ari dira, eta baliteke filmaren bat edo beste aldatzea”.
- 1. ASTEBURUA
- Uztailak 4 eta 5: Onwrad (17:00) eta Personal assistant (19:30)
- Uztailak 6: Onwrad (17:00) eta Personal assistant (20:30)
- 2. ASTEBURUA
- Uztailak 11 eta 12: La lista de los deseos (17:00etan eta 19:30ean)
- Uztailak 13: La lista de los deseos (17:00etan eta 20:30ean)
- 3. ASTEBURUA
- Uztailak 18 eta 19: Zapatos rojos y los siete trolls (17:00) eta ¿Donde estas Bernardette? (19:30)
- Uztailak 20: Zapatos rojos y los siete trolls (17:00) eta ¿Donde estas Bernardette? (20:30)
- 4. ASTEBURUA:
- Uztailak 25 eta 26: Scooby (17:00) eta Pappicha, sueños de libertad (19:30)
- Uztailak 27: Scooby (17:00) eta Pappicha, sueños de libertad (20:30)
- Uztailak 30-Zine Kluba: West side story (20:30)
- 5. ASTEBURUA:
- Abuztuak 1 eta 2: Mina y el mundo de los sueños (17:00) eta La familia que tu eliges (19:30)
- Abuztuak 3: Mina y el mundo de los sueños (17:00) eta La familia que tu eliges (20:30)
