2021ean Getxon jokatuko da Munduko Lur Gaineko Sokatira Txapelketa
Berez, txapelketa aurten lehiatu behar zen, baina COVID-19aren pandemiaren eraginez, datorren urteko irailaren 15etik 19ra jokatuko dute.
Argazkia: Sokatira Mundiala. Aurtengo irailean lehiatzeko zen Getxon Munduko Lur Gaineko Sokatira Txapelketa, baina datorren urtera atzeratu zuten. 2021eko irailaren 15etik 19ra lehiatuko dute, eta atzo aurkeztu zuten Getxon. “Dimentsioak eta hedapena kontuan hartuta, txapelketa erraldoiena da”, adierazi dute antolatzaileek.
Txapelketaren lehenengo bi egunetan Nazioarteko Federazioarekin (TWIF erakundea) atxikitako 72 herrialdetako klubak lehiatuko dira, tartean Basque Country. Azken bi egunetan, berriz, taldeen arteko txapelketa jokatuko dute. Ondo bidean, Mutrikuko Sokatira Taldea bertan izango da. “1.500 partaide inguru etortzea aurreikusten da”.
Getxoko Munduko txapelketaren antolakuntza “Euskadiko sokatira sustatzen urte asko” daramatzaten hiru erakunderi dagokio: Euskadiko eta Bizkaiko Euskal Joko eta Kirol Federakundeak eta Getxo Herri Kirol Taldea. Horiek Eusko Jaurlaritzaren, Bizkaiko Foru Aldundiaren eta Getxoko Udalaren babesa daukate. “Antolakuntza eta estrategia mailan erabateko erronka izatera dator, baita sokatiraren sustapen eta zabalkunderako, gure esparruko kirol modura ere”. Txapelketa “erreferente bat” antolatu gura dutela zehaztu dute, sokatiraren esparruan “Euskadiren konpromisoa eta jarduera egokia” ezagutzera emanez, eta horrela TWIF erakundearen barruan bere posizioa sendotuz: “Bikaintasunaz haratago,txapelketaren hurrengo ediziotarako ondare bat utzi nahi da, bereziki kirolaren ezagutzan, jasangarritasunean eta ingurumenaren zaintzan eta lehiakideen informazioa kudeatu eta eskuratzeko modua bezalako esparruetan”.
Antolatzaileen iritziz, maila lokalean, Munduko Txapelketa aukera aparta da kirol hau barreiatu eta aldarrikatzeko, “talde eta adiskidetasun balioak ekartzera datorren modalitate inklusiboa, aktuala izateagatik. “Kirol arloan, Basque Country selekzioaren nahia da arrakasta maila gorenetara heltzea, euskals elekzioek kirol modalitate orotako nazioarteko esparruan lehiatzeko dituzten gaitasunak zein asmoak frogatuz. Eta kirol esparruaz haratago, munduko beste toki batzuetako 1.500 pertsona ingururen etorrera dela eta astebetez lor daitezkeengure herrialdearen zabalkunderako eta inpaktu ekonomikorako aukera izatera dator”.
