Lau positibo berri erregistratu dituzte Lea-Artibain
Aulestin, Ondarroan, Etxebarrian eta Markina-Xemeinen antzeman dituzte positibo berriak. Datuak aztertuta, Jaurlaritzaren ordezkariek diote kutsatuen kopuruak beheranzko joera erakusten duela. "Eta gizartean hori antzematen bada, ikastetxeetan ere litekeena da datozen egunetan joera berdina izatea".
Azken 24 orduetan 4 positibo berri erregistratu dituzte Lea-Artibain: 1 Aulestin, 1 Etxebarrian, 1 Markina-Xemeinen eta 1 Ondarroan.
Lurraldekako azterketa eginda, atzo [irailak 16], hiru lurraldeetan 11.125 PCR proba egin ziren, eta horietatik 579 positibo izan ziren (%5,2). Lurraldez lurralde, ondokoak dira atzo [irailak 16] antzemandako positibo berriak: 131 Araban, 252 Bizkaian eta 188 Gipuzkoan; beste 8 positibo berriak EAEn bizi ez diren herritarrei dagokie.
Ospitaleratuta daudenak 320 dira (martitzenean baino 5 gehiago). Horietatik guztietatik, 55 dira ZIUn daudenak (astelehenean baino 1 gutxiago). Zehatz esateko, atzo [irailak 16] 49 pertsona ospitaleratu zituzten. Azkenik, R0 0,87n kokatu da.
Datuak aztertuta, Jaurlaritzaren ordezkariek diote kutsatuen kopuruak beheranzko joera erakusten duela. “Eta gizartean hori antzematen bada, ikastetxeetan ere litekeena da datozen egunetan joera berdina izatea. Izan ere, oraindik ez dugu ikastetxe batean ere antzeman ume batek beste ume bat kutsatu izana”.
