Hamar positibo berri erregistratu dituzte Lea-Artibain eta Mutrikun
Azken 24 orduetan ondoko herrietan antzeman dituzte kasu berriak: Aulesti (2), Markina-Xemein (2), Ondarroa (2), Mutriku (2), Lekeitio (1) eta Gizaburuaga (1). Araban, Bizkaian eta Gipuzkoan ospitaleratuta zeuden 29 pertsonak alta hartu zuten atzo [irailak 17].
Ignacio Garitano Osasun Saileko eta Osakidetzako Zaintza eta Kontrol Programaren koordinatzailea, egoeraren berri ematen. Argazkia: Irekia Azken 24 orduetan 4 positibo berri erregistratu dituzte Lea-Artibain: 1 Aulestin, 1 Etxebarrian, 1 Markina-Xemeinen eta 1 Ondarroan.
Lurraldekako azterketa eginda, atzo [irailak 17], hiru lurraldeetan 9.166 PCR proba egin ziren, eta horietatik 519 positibo izan ziren (%5,6). Lurraldez lurralde, ondokoak dira atzo [irailak 17] antzemandako positibo berriak: 85 Araban, 232 Bizkaian eta 190 Gipuzkoan; beste 12 positibo berriak EAEn bizi ez diren herritarrei dagokie.
Ospitaleratuta daudenak 291 dira (eguaztenean baino 29 gutxiago). Horietatik guztietatik, 53 dira ZIUn daudenak (eguaztenean baino 2 gutxiago). Zehatz esateko, atzo [irailak 17] 36 pertsona ospitaleratu zituzten. Azkenik, R0 0,89an kokatu da.
