Azken orduetan 33 positibo berri erregistratu dituzte Lea-Artibain
Atzo [urriak 26] ondoko herrietan erregistratu zituzten kasu berriak: Ondarroa (9), Markina-Xemein (8), Lekeitio (6), Berriatua (6), Mutriku (2), Munitibar (1) eta Aulesti (1). Ondarroa, gainera, gune gorri izatera pasa da.
COVID-19arekin kutsatutakoen kopuruak goraka jarraitzen du Lea-Artibain eta Mutrikun. Azken 24 orduetan 33 positibo kasu berri erregistratu dituzte: Ondarroa (9), Markina-Xemein (8), Lekeitio (6), Berriatua (6), Mutriku (2), Munitibar (1) eta Aulesti (1). Atzo [urriak 26], beraz, Ondarroan atzeman zituzten kasu berri gehien. Eta hain justu, horren ondorioz, Ondarroa gune gorri izatera pasa da (100.000 biztanleko 582,07ko tasa dauka). Beraz, gaur gaurkoz, HITZAren eremuan Ondarroa eta Mutriku daude egoera horretan. Dena dela, datozen orduetan Lekeition kasu berriak atzematen jarraitzen badute, Lekeitio berriro puntu gorri izatera pasatuko litzateke (100.000 biztanleko 455,42ko tasa dauka).
Lurraldeka. Araban, Bizkaian eta Gipuzkoan atzo [urriak 26] 11.935 PCR egin zituzten, eta horietatik 978 positibo erregistratu zituzten (%8,2). Hemen lurraldeka erregistratutako kasuak: 457 Bizkaian, 413 Gipuzkoan eta 86 Araban. Horiei EAEn bizi ez diren herritarren artean atzemandako 22 kasu berri gehitu behar zaizkie.
Ospitaleratuta daudenak ere gero eta gehiago dira. Atzora arte, hain justu, 405 pertsona zeuden Araba, Bizkai eta Gipuzkoako ospitaleetan; horietatik 74 ZIUn daude.
