Azaroko Merkatu Txikia egingo dute zapatuan Mutrikuko Beheko Plazan
Herriko sei ekoizleren eta artisau baten produktuak erosi ahalko dira 09:00etatik 13:00etara.
Hasiera batean azaroko Merkatu Txikia ez egitea aurreikusten bazen ere, “ekoizleen aldetik merkatua egitea proposatu” denez, azkenean azoka egitea erabaki du Mutrikuko Udalak. Zapatuan [azaroak 21], beraz, 09:00etatik 13:00etara herriko ekoizleei zuzenean produktuak erosteko aukera egongo da Beheko Plazan.
Herriko sei ekoizleren produktuak egongo dira salgai: Ibiri eta Ekoalboraz baserrietako barazkiak, Iratxe loradendako landareak, Ondareren marmelada, Goienetxeren artzain gazta eta Zortzikoren eztia. Horiekin batera, Amaia Aberasturi artisauak ere ipiniko du erakusmahaia. Gogorarazi dutenez, ohiko segurtasun neurriak bermatuta egingo da azoka. “Segurtasuna bermatzeko esfortzua denon aldetik egin behar dugu. Eta horretarako erosleei zentzuz jokatu, distantziak mantendu, gela eman eta produktuetara gehiegi ez gerturatzea eskatu nahi diegu”.
