Durangoko Azokaren plazetako bat izango da Ondarroa
'Zu non, han DA!' egitasmoaren baitan kontzertu sorta antolatu du Durangoko Azokak. Abenduaren 5etik 8ra Ondarroan, Amurrion, Gasteizen, Bilbon, Bermeon, Donostian, Atarrabian eta Azpeitian eskainiko dituzte zuzenekoak.
Zu non, han DA! egitasmoaren aurkezpena. Argazkia: Durangoko Azoka. Osasun alarmak ezarritako mugikortasun eta aforo neurriak kontuan hartuta, Durangoko Azokak egitasmo berria abiaraziko du: Zu non, han DA!. Egitasmoaren baitan, hain zuzen ere, abenduaren 5etik 8ra zuzeneko emanaldiak emango dituzte Euskal Herriko zortzi udalerritako hamar aretotan, tartean, Ondarroako Beikozini aretoan. Amurrion, Gasteizen, Bilbon, Bermeon, Donostian, Atarrabian eta Azpeitian ere antolatu dituzte kontzertuak.
Zu non, han DA! egitasmoa Durangoko Azoka Euskal Herri osora zabaltzeko asmoagaz datorrela azpimarratu du Nerea Mujika Gerediagako presidenteak. “Indarrean dauden mugikortasun ezarpenen eraginez, Durangoko eta mugakide diren herrietako biztanleak bakarrik joan ahalko dira modu presentzialean Durangoko egitarauaz gozatzera. Aurten euskal herrietatik Durangora etortzerik izango ez denez, Durangoko Azoka joango da euskal herrietara”.
Ibilbide luzea duten nahiz hasi berriak diren 32 musika bandek osatuko dute egitaraua. Tartean, Ondarroako Dena taldeak ere parte hartuko du. “Helburua da azoka ahalik eta kulturzale gehiengana heltzea, musikariei plaza berriak eskaintzea, eta aretoei eta bertako langileei ere laguntza txiki bat ematea”.
Herri bakoitzean bi eguneko egitaraua iragarri dute. Ondarroan, esaterako, hiru kontzertu emango dituzte. Abenduaren 6an Dupla eta Nikotina taldeen txanda izango da. Abenduaren 8an, ostera, Patxuko Nice eta Ezpalak taldeen musikaz gozatu ahal izango da. Emanaldi horietarako eta gainerako herrietan egingo dituztenerako sarrerak zapatuan [azaroak 21] 11:00etan ipiniko dituzte salgai Durangoko Azokaren webgunean. Aurreratu dutenez, Ondarroako kontzertuen sarreren prezioa 6 eta 8 euro artekoa da, eta unean uneko osasun arauak errespetatzea beharrezkoa izango da.
KONTZERTUEN ZERRENDA
- Ondarroa (Beikozini)
- Abenduak 6
- 18:00. Dupla+Nikotina
- Abenduak 8
- 17:00. Patxuko Nice
- 19:00. Ezpalak.
- Abenduak 6
- Amurrio (Burubio)
- Abenduak 6
- 18:00. Izatefaltsua+Rodeo.
- Abenduak 7
- 19:00. Sara Zozaya.
- Abenduak 6
- Atarrabia (Totem)
- Abenduak 5
- 18:00. Liher+Sorkari.
- Abenduak 6
- 18:00. Kaleko Urdangak+Perlata.
- Abenduak 5
- Azpeitia (Soreasu)
- Abenduak 5
- 19:00. Gatibu.
- Abenduak 5
- Azpeitia (Sanagustin)
- Abenduak 8
- 19:00. Sua.
- Abenduak 8
- Bermeo (Kafe Antzokia)
- Abenduak 6
- 18:00. Gatom + J Martina
- Abenduak 7
- 18:00. Joseba Irazoki+Inoren Ero Ni.
- Abenduak 6
- Bilbo (Euskalduna)
- Abenduak 7 eta 8
- 12:00.Ene Kantak.
- Abenduak 7
- 19:00. Zea Mays.
- Abenduak 8
- 19:00. Nogen.
- Abenduak 7 eta 8
- Donostia (Dabadaba)
- Abenduak 5
- 18:30. Silicies Grizzlies+Kyxo.
- Abenduak 6
- 18:30. Dena + Habi.
- Abenduak 5
- Donostia (Doka)
- Abenduak 7
- 18:00. Raitx+Pelax
- Abenduak 8
- 18:00. Mihise+Kaskezur.
- Abenduak 7
- Gasteiz (Jimmy Jazz)
- Abenduak 6
- 18:00. Brigade Loco+Barne Guda.
- Abenduak 8
- 18:00. Amorante+Moxal.
- Abenduak 6
