Gaur gaurkoz, Lea-Artibai eta Mutrikuko ostalaritza establezimendu guztiak zabaldu ahal dira
Hamahiru herrietako intzidentzia tasak 500etik beherakoak dira. Dena dela, ostalaritza establezimenduak zabaldu ahal diren edo ez jakiteko, intzidentzia tasa ez da kontuan hartuko 5.000 biztanle baino gutxiagoko herrietan. Azken orduetan positibo bakarra erregistratu dute.
Azken 24 orduetan positibo bakarra erregistratu dute Lea-Artibai eta Mutriku mailan; Mutrikun erregistratu dute kasu berria. Gainerako herrietan ez dute kasu berririk erregistratu. Ostalaritza establezimenduak zabaltzeko atzo [abenduak 9] Labiren aholku batzordeak adostutako neurrien arabera, intzidentzia tasak berebiziko garrantzia hartu du. Izan ere, soilik 500etik behera dauden herrietako ostalaritza establezimenduak zabalduko ahalko dira zapatutik aurrera [abenduak 12]; 5.000 biztanle baino gutxiago duten herrietako ostalaritza establezimenduek zabaldu ahalko dute, intzidentzia tasa ez baita kontuan hartuko. Dena dela, gaur gaurkoz, Lea-Artibai eta Mutriku mailan herri guztiak daude 500eko tasaren azpitik:
- Amoroto: 0
- Aulesti: 0
- Berriatua: 479,62 (atzo 559,55ean zegoen)
- Etxebarria: 0
- Gizaburuaga: 0
- Ispaster: 134,95
- Lekeitio: 96,61
- Markina-Xemein: 100,73
- Mendexa: 206,19
- Munitibar: 0
- Mutriku: 318,71
- Ondarroa: 407,45
- Ziortza-Bolibar: 318,71
Orain arte, Labiren aholku batzordeak ezarritako semaforo sistemak 5.000 biztanletik gorako herriei eragiten zien. Horren arabera gune gorrian, laranjan edo horian kokatzen dituzte herri horiek. Orain, ostalaritza establezimenduek zabaldu ahal duten edo ez jakiteko ere neurgailu hori erabiliko dute.
Semaforo sistemaren azalpena:
- Gorria (500eko tasatik gora): Transmisio oso altuko eremua
- Laranja (499 eta 300 bitarteko tasa): Transmisio tentsioduna dagoen eremua
- Horia (299 eta 60 bitarteko tasa): Transmisio baxuko eremua
- Berdea (59tik beherako tasa): Transmisiorik gabeko eremua
