Mutrikuko Miruiatz pilotalekuko frontisa konpondu dute
Frontiseko eta kontrakantxako zuloak konpontzeaz gain, toldo berriak ere ipini dituzte.
Mutrikuko Miruaitz frontoia Mutrikuko Miruaitz pilotalekuko frontiseko horman zeuden zuloak konpondu dituzte egunotan. “Frontisean eta kontrakantxan hainbat zulo zeuden, eta tartean tartean konponketak egin behar izaten dira, bestela ezin da jokatu ere. Bi osagaiz osaturiko masa berezi batekin bete dituzte horman zeuden zuloak. Pena handia bada ere, lehenago eta beranduago frontiseko harria aldatu egin beharko da. Bertoko harriarekin eginda dago frontisa, eta guretzat balio berezia du; Miruaitz mendiko harriarekin dago eginda”.
Frontiseko eta kontrakantxako toldoak ere berritu dituzte. Orain gutxi arte toldo urdinak egon dira, eta orain kolore beltzeko berriak ipini dituzte. “Lehen zeudenak erreta zeuden, eta aldatu behar zirenez, kolorez aldatzea erabaki dugu”.
Bi astez frontoia itxita egon ostean, asteburuan zabalduko dute pilotalekua. Zapatu-domekan, hain zuzen, Gipuzkoako gomazko paleta txapelketako eta Gipuzkoako zesta-punta txapelketako partiduak hartuko ditu Miruaitzek. Frontoia berriro zabalduko badute ere, lanak amaitzeko azken ukituak ematea falta dela esan dute. “Datorren astean amaituko dituzte lanak. Kontrakantxan apurtu diren harriak batzuk aldatu eta todo berria ere tenkatuko dute”.
