Lekeitioko ikastetxeetako hainbat gela itxi dituzte, positiboak erregistratu dituztelako
Azkue Ikastolako eta Eskola Publikoko 4 urteko umeen gelak itxi behar izan dira. Azaldu dutenez, segurtasun protokolo guztiak jarri dituzte martxan. Kutsadura "denboraz" detektatu dela eta umeak "ondo" aurkitzen direla esan dute udal ordezkariek.
Lekeitioko Udalak jakitera eman duenez, COVID-19aren hedapenak goranzko joera hartu du azken egunetan Lekeition. Azaldu dutenez, bereziki esanguratsua izan da ikastetxeetan agertutako positibo kopurua Haur Hezkuntzako umeen artean: “Eskola eta Ikastolako 4 urteko umeen gelak itxi behar izan dira, positiboak agertu ostean”.
Era berean, eta foku beragaz lotuta, haurreskola ere itxi egin behar izan dute. “Kutsadura denboraz detektatu da, eta umeak ondo daude. Eraikinetan garbiketa eta desinfekzio lanak egingo dira, baina kontrolpean dauden broteak izanda, beste geletako zerbitzuak mantendu ahalko dira”, argitu du udalak.
Osakidetza, Hezkuntza saila eta Lekeitioko Udala koordinatuta daudela azaldu dute, eta segurtasun protokolo guztiak jarri dituzte martxan.
Erlazionatutako edukiaDATUAK: Lea-Artibai eta Mutrikuko egoera epidemiologikoa
