Mendexa, Ziortza-Bolibar, Lekeitio eta Markina-Xemein, gune gorrian
Gune gorrian zeuden herriei Mendexa gehitu zaie. Joan den aste osoan 74 kasu erregistratu zituzten Lea-Artibai eta Mutrikun. Azken hiru egunetan intzidentzia tasak ia herri guztietan egin du behera, eta ondoko herrietan erregistratu dituzte kasu berriak: Ondarroa (9), Lekeitio (3), Mutriku (2), Etxebarria (1), Ispaster (1) eta Gizaburuaga (1).
Eusko Jaurlaritzak gaur [otsailak 1] argitaratutako txostenean barikutik domekara bitartean [urtarrilak 29-30-31] erregistratutako positibo berriak jasotzen dira. Guztira, hiru egunetan Lea-Artibai eta Mutrikun 17 kasu berri erregistratu dituzte: Ondarroa (9), Lekeitio (3), Mutriku (2), Etxebarria (1), Ispaster (1) eta Gizaburuaga (1). Hain zuzen ere, Ondarroan izan ezik, gainerako herri guztietan intzidentzia tasa metatua jaitsi edo bere horretan mantendu da.
Gune gorrian dauden herriei dagokienez, ondokoak dira: Mendexa, Ziortza-Bolibar, Lekeitio eta Markina-Xemein.
Ondarroan, gainera, intzidentzia tasak gora egiteaz batera, gune laranjan sartu zen zapatuan [urtarrilak 30]; barikuan 291koa zen tasa, eta gaur [otsailak 1] 350ekoa da.
Bestalde, COVID-19aren kasu positiboak atzemateagatik joan den astean Lekeitioko bi ikastetxeetan (Azkue Ikastolan eta Eskola Publikoan) itxi behar izan zituzten ikasgelak bihar zabalduko dituztela esan du Lekeitioko Udalak. Haurreskola ere itxi egin zuten, eta hori gaurtik aurrera zabalik dagoela gaineratu du udalak.
Gaur gaurkoz, ondokoa da herriz herriko intzidentzia tasa:
- Amoroto: 240,96
- Aulesti: 299,40
- Berriatua: 636,44
- Etxebarria: 268,46
- Gizaburuaga: 3.000
- Ispaster: 134,41
- Lekeitio: 885,57
- Markina-Xemein: 1.432,84
- Mendexa: 847,46
- Munitibar: 1.310,04
- Mutriku: 414,00
- Ondarroa: 350,18
- Ziortza-Bolibar: 2.050,11
Azken hiru egunetako datuak jasota, joan den aste osoan [urtarrilaren 25etik 31ra] Lea-Artibai eta Mutrikun 74 kasu erregistratu zituzten. Kasu gehien Markina-Xemeinen erregistratu zituzten:
- Markina-Xemein: 25
- Lekeitio: 15
- Ondarroa: 14
- Mutriku: 7
- Berriatua: 4
- Ziortza-Bolibar: 3
- Mendexa: 3
- Ispaster: 1
- Aulesti: 1
- Etxebarria: 1
