23.000 euro erabili ditu Lekeitioko Udalak herriko pintaketak ezabatzeko
Azaldu dutenez, iaz ere pintaketa ugari agertu ziren Lekeitioko hainbat gunetan, eta horiek garbitzeko lan bereziak egin behar izan zituzten.
Iaz Lekeition egin zituzten pintaketak ezabatzeak eduki duen kostuaren berri eman du Lekeitioko Udalak. Ezabaketa lanek guztira, 23.000 euroko kostua eduki dutela jakitera eman dute.
Azaldu dutenez, iaz ere pintaketa ugari agertu ziren Lekeitioko hainbat gunetan, eta horiek garbitzeko lan bereziak egin behar izan zituzten. Horrela, pintaketak udaletxeko beharginek eta garbiketa enpresa batek ezabatu zituzten. “Guztira, udal langileen lan orduak kontuan eduki barik 23.395 euroko kostua eduki zuten garbiketa lanek”.
Garbiketa lanen kostua “herritar guztien diruagaz“ ordaintzen dela gogora ekarri du udalak. “Pintaketak kentzeko kostua herriarentzako nabarmena izan da, ikusita adibidez San Pedro jaien kostua 24.000 eurokoa izaten dela edota pandemiaren aurrean herritarrei oinarrizko beharrizanetan laguntzeko 30.000 euro zuzendu zirela”.
