Markina-Xemein gune horian sartu da
Intzidentzia tasak behera egiten jarraitzen du Markina-Xemeinen, eta atzo [otsailak 9] gune gorritik laranjara pasatu ostean, gaur [otsailak 10] gune horian sartu da, intzidentzia tasa 300 azpitik kokatu delako. Azken orduetan 8 positibo gehiago erregistratu dituzte: 3 Lekeition, 3 Ondarroan eta bana Amoroton eta Berriatuan.
Orokorrean intzidentzia tasak behera egiten jarraitzen du Lea-Artibai eta Mutrikun. Eta horren adibide da Markina-Xemein. Izan ere, hilabetez intzidentzia tasa goraka joan ostean, azken egunetan jaisten ari da; gune gorrian egotetik atzo [otsailak 9] gune laranjan egotera pasatu zen, eta gaur [otsailak 10] gune horian egotera pasatu da intzidentzia tasa 300 azpitik kokatu delako (298,51).
Bestetik, azken 24 orduetan 8 positibo gehiago erregistratu dituzte Lea-Artibain: hiruna Lekeition eta Ondarroan eta bana Amoroton eta Berriatuan. Aipatzekoa da azken egunetan Ondarroa edukitzen ari den bilakaera: gutxinaka bada ere, intzidentzia tasa igotzen ari da.
Gaur gaurkoz, ondokoa da herriz herriko intzidentzia tasa:
- Amoroto: 963,86 (azken orduetan 200 puntutik gora igo da)
- Aulesti: 149,70
- Berriatua: 238,66 (azken orduetan 200 puntu inguru jaitsi da)
- Etxebarria: 671,14
- Gizaburuaga: 0
- Ispaster: 134,41
- Lekeitio: 387,44 (azken orduetan 20 puntu inguru jaitsi da)
- Markina-Xemein: 298,51 (azken orduetan 140 puntu inguru jaitsi da)
- Mendexa: 423,73 (azken orduetan 400 puntu inguru jaitsi da)
- Munitibar: 218,34
- Mutriku: 207 (azken orduetan 15 puntu inguru jaitsi da)
- Ondarroa: 396,87 (azken orduetan 10 puntu inguru igo da)
- Ziortza-Bolibar: 227,79 (azken orduetan 200 puntu baino gehiago jaitsi da)
