Ondarroa gune gorrian sartu da, eta Markina-Xemein gune berdean
Azken orduetan Ondarroan (6), Gizaburuagan (1), Lekeition (1) eta Mutrikun (1) erregistratu dituzte kasu berriak.
Azken 24 orduetan 9 kasu gehiago erregistratu dituzte Lea-Artibai eta Mutrikun: 6 Ondarroan eta bana Gizaburuagan, Lekeition eta Mutrikun. Azken egunetan Ondarroan erregistratzen ari diren kasu berriak direla eta, gaur 500eko tasa gainditu du Ondarroak. Beraz, nahiz eta gune gorrian egon, gune gorriko herriei ezarritako neurriak ez dira indarrean sartuko astelehenean Eusko Jaurlaritzak gune gorrian dauden herrien zerrenda eguneratu arte. Gaur, gainera, mugakide diren herrien arteko mugikortasuna baimendu du [ostailak 12] Eusko Jaurlaritzak.
Markina-Xemein bestelako egoeran dago. Izan ere, azken egunetako intzidentzia baxuak herriko osasun egoera nabarmen hobetu du. Hala, aste honen hasieran gune gorrian egotetik gaur gune berdera igaro da, intzidentzia tasa 60 azpitik kokatu delako (39,80).
Gaur gaurkoz, ondokoa da herriz herriko intzidentzia tasa:
- Amoroto: 963,86
- Aulesti: 0
- Berriatua: 318,22
- Etxebarria: 671,14
- Gizaburuaga: 500
- Ispaster: 134,41
- Lekeitio: 387,44
- Markina-Xemein: 39,80
- Mendexa: 211,86
- Munitibar: 218,34
- Mutriku: 188,18
- Ondarroa: 513,60
- Ziortza-Bolibar: 0
