Ondarroa gune gorrian sartu da berriro ere
Azken orduetan 5 kasu gehiago erregistratu dituzte Ondarroan, eta 100.000 biztanleko intzidentzia tasa metatuak 50 puntu inguru gora egin ditu; 501eko tasa dauka Ondarroak. Lekeition eta Berriatuan ere kasu bana erregistratu dute, eta horietan ere intzidentzia tasa igo egin da. Gainerako herrietan intzidentzia tasa mantendu edo jaitsi egin da.
Azken 24 orduetan 7 kasu gehiago erregistratu dituzte Lea-Artibain: 5 Ondarroan eta bana Lekeition eta Berriatuan. Eta kasu berriak erregistratu dituztelako, Ondarroa gune gorrian sartu da; atzo 450eko tasa bazeukan, gaur [otsailak 17] 501,93ko tasa dauka. Lekeition eta Berriatuan ere intzidentzia tasa igo egin da, gutxi bada ere.
Datozen orduetan Ondarroako tasa jaisten ez bada eta bihar 500etik gorako tasa badauka, Jaurlaritzak gune gorriko herrien zerrenda sartuko luke Ondarroa barikutik aurrera [otsailak 19]. Ondorioz, mugakide diren herrietako bizilagunek debekatuta edukiko dute Ondarroara kirol federatuko lehiaketa eta entrenamenduetara eta eskola kiroleko entrenamenduetara joatea eta baita ere gimnasio, klub edota kiroldegietan programatutako ikastaro edo jardueretara joatea. Azken puntu hori da Labi aholku batzordeak joan den asteko barikuan [otsailak 12] hartu zuen erabakia eta astelehenean [otsailak 15] indarrean sartu zena.
Herriz herriko intzidentzia tasa (eguneratuta):
- Amoroto: 722,89 (azken orduetan 200 puntutik gora jaitsi da)
- Aulesti: 149,70 (=)
- Berriatua: 477,33 (azken orduetan 100 puntu inguru igo da)
- Etxebarria: 268,46 (azken orduetan 150 puntutik gora jaitsi da)
- Gizaburuaga: 500 (=)
- Ispaster: 0 (=)
- Lekeitio: 415,11 (azken orduetan 15 puntu inguru igo da)
- Markina-Xemein: 79,60 (=)
- Mendexa: o (=)
- Munitibar: 218,34 (=)
- Mutriku: 131,73 (=)
- Ondarroa: 501,93 (azken orduetan 50 puntu inguru igo da)
- Ziortza-Bolibar: 0 (=)
Joan den asteko datuak. Joan den aste osoan (otsailak 8-14) Lea-Artibai eta Mutrikun 54 kasu erregistratu zituzten, duela bi aste baino 9 kasu gehiago. Hemen herriz herri joan den aste osoan atzemandako kasuak:
- Ondarroa: 27
- Lekeitio: 15
- Mutriku: 4
- Markina-Xemein: 3
- Berriatua: 3
- Amoroto: 1
- Gizaburuaga: 1
- Aulesti: 0
- Etxebarria: 0
- Ispaster: 0
- Mendexa: 0
- Munitibar: 0
- Ziortza-Bolibar: 0
