Asteburuan inoizkorik kasu gutxien erregistratu dituzte Lea-Artibai eta Mutrikun
Lea-Artibai eta Mutrikuko egoera epidemiologikoak hobera egiten jarraitzen du. Azken hiru egunetan bakarrik 5 kasu erregistratu dituzte. Azken asteekin alderatuta, joan den asteburuan erregistratutako kasuak inoizkorik baxuenak izan dira. Lekeitio gune horian sartu da.
Azken hiru egunetan ere intzidentzia tasak behera egiten jarraitu du Lea-Artibai eta Mutrikun. Hala, barikutik domekara bitartean [otsailak 19tik 21era] bakarrik 5 kasu erregistratu dituzte Lea-Artibain; Mutrikun ez dute kasurik erregistratu. Ondoko herrietan erregistratu dituzte kasuak: 2 Lekeition, 2 Ondarroan eta 1 Berriatuan. Azpimarragarria da azken asteekin alderatuta, inoizkorik kasu gutxien erregistratu dituztela joan den asteburuan. Lekeitio, gainera, gune horian sartu da; 373,60ko tasa zeukan barikuan, eta gaur 290,58ko tasa dauka.
Herriz herriko intzidentzia tasa (eguneratuta):
- Amoroto: 240,96 (480 puntu inguru jaitsi da)
- Aulesti: 149,70 (=)
- Berriatua: 397,77 (80 puntu inguru igo da)
- Etxebarria: 0 (=)
- Gizaburuaga: 500 (=)
- Ispaster: 0 (=)
- Lekeitio: 290,58 (80 puntu inguru jaitsi da)
- Markina-Xemein: 79,60 (20 puntu inguru jaitsi da)
- Mendexa: o (=)
- Munitibar: 0 (barikuan 94,09ko tasa zeukan)
- Mutriku: 75,27 (35 puntu inguru jaitsi da)
- Ondarroa: 455,24 (20 puntu inguru jaitsi da)
- Ziortza-Bolibar: 0 (=)
Asteburuko datuak eman eta gero, joan den aste osoan Lea-Artibai eta Mutrikun 22 kasu erregistratu zituztela jakin ahal izan da; duela bi aste (54) erregistratutako kasuen erdia baino gutxiago erregistratu zuten joan den astean. Hemen joan den astean herriz herri erregistratutako kasuak:
- Ondarroa: 12
- Lekeitio: 6
- Berriatua: 2
- Markina-Xemein: 1
- Aulesti: 1
- Amoroto: 0
- Etxebarria: 0
- Gizaburuaga: 0
- Ispaster: 0
- Mendexa: 0
- Munitibar: 0
- Mutriku: 0
- Ziortza-Bolibar: 0
Gune gorrian dauden herrien zerrenda ere gaur [otsailak 22] eguneratu du Jaurlaritzak, eta gero eta gutxiago dira zerrenda horretan dauden Araba, Bizkai eta Gipuzkoako herriak:
- 5.000 biztanletik gora dutenak: Berango (660,7), Derio (898,16), Elgoibar (580,59), Getxo (523,7), Gueñes (594,24), Oñati (1.395,19), Santurtzi (661,69) eta Sopela (622,39).
- 5.000 biztanle baino gutxiago dutenak: Barrika (522,53), Loiu (519,26), Mendaro (992,91), Urduliz (598,01) eta Gaubea (845,86).
