Azken orduetan kasu bat bera ere ez dute erregistratu Lea-Artibai eta Mutrikun
Intzidentzia tasak ez du gora egin herri bakar baten ere; berdin mantendu edo behera egin dute. Mutrikuko tasa ia 40 puntu jaitsi da azken orduetan, eta gune horian egotetik gune berdean egotera pasatu da. Kasu bat bere ere erregistratu ez zuten azken eguna urrian izan zen.
Azken orduetan COVID-19arekin kutsatutako kasu bat bera ere ez dute erregistratu Lea-Artibai eta Mutrikun. Azken aldiz urrian gertatu zen horrelako egoera bat. Beraz, ikuspuntu epidemiologikotik azken 24 orduak azken lau hilabeteetako onenak izan direla esan daiteke.
Kasu berririk erregistratu ez dutenez, herri guztietako intzidentzia tasak bere horretan mantendu edo jaitsi egin dira; ez du bakar baten ere gora egin. Gainera, Mutrikuko intzidentzia tasa 38 puntu jaitsi da, eta gune horian egotetik gune berdean egotera pasatu da herria, intzidentzia tasa 60 azpitik kokatu delako; atzo [otsailak 22] 75,27ko tasa zeukan, eta gaur [otsailak 23] 37,64koa dauka.
Herriz herriko intzidentzia tasa (eguneratuta):
- Amoroto: 240,96 (=)
- Aulesti: 149,70 (=)
- Berriatua: 397,77 (=)
- Etxebarria: 0 (=)
- Gizaburuaga: 500 (=)
- Ispaster: 0 (=)
- Lekeitio: 193,72 (azken orduetan 100 puntu inguru jaitsi da)
- Markina-Xemein: 79,60 (=)
- Mendexa: o (=)
- Munitibar: 0 (=)
- Mutriku: 37,64 (azken orduetan 40 puntu inguru jaitsi da)
- Ondarroa: 396,87 (azken orduetan 90 puntu inguru jaitsi da)
- Ziortza-Bolibar: 0 (=)
Joan den aste osoan Lea-Artibai eta Mutrikun 22 kasu erregistratu zituzten; duela bi aste (54) erregistratutako kasuen erdia baino gutxiago erregistratu zuten joan den astean. Hemen joan den astean herriz herri erregistratutako kasuak:
- Ondarroa: 12
- Lekeitio: 6
- Berriatua: 2
- Markina-Xemein: 1
- Aulesti: 1
- Amoroto: 0
- Etxebarria: 0
- Gizaburuaga: 0
- Ispaster: 0
- Mendexa: 0
- Munitibar: 0
- Mutriku: 0
- Ziortza-Bolibar: 0
Gune gorrian dauden herrien zerrenda ere atzo [otsailak 22] eguneratu zuen Jaurlaritzak, eta gero eta gutxiago dira zerrenda horretan dauden Araba, Bizkai eta Gipuzkoako herriak:
- 5.000 biztanletik gora dutenak: Berango (660,7), Derio (898,16), Elgoibar (580,59), Getxo (523,7), Gueñes (594,24), Oñati (1.395,19), Santurtzi (661,69) eta Sopela (622,39).
- 5.000 biztanle baino gutxiago dutenak: Barrika (522,53), Loiu (519,26), Mendaro (992,91), Urduliz (598,01) eta Gaubea (845,86).
