Ondarroa gune horian sartu da
Azken 24 orduetan Mutrikuko eta Lea-Artibaiko herrietako intzidentzia tasa guztiak mantendu edo jaitsi egin dira; bakar bat ere ez da igo. Ondarroa, gainera, gune laranjan egotetik gure horian egotera pasatu da. Mutrikuko intzidentzia tasa 18,82an kokatu da.
Astelehenean [otsailak 22] gertatu modura, atzo [otsailak 24] ere COVID-19arekin kutsatutako kasu bakar bat ere ez zuten erregistratu Mutrikun eta Lea-Artibaiko herrietan. Hala, azken orduetan intzidentzia tasak mantendu edo jaitsi egin dira; herri bakar baten ere ez da igo. Gainera, Ondarroa gune laranjan egotetik gune horian egotera pasatu da intzidentzia tasa 300 azpitik kokatu delako; 373,53ko tasa zeukan atzo [otsailak 24], eta gaur [otsailak 25] 291,82ko tasa dauka.
Aipatzekoa da Mutrikuk daukan tasa. Izan ere, HITZAren eremuan 5.000 biztanle baino gehiago dituzten herrien artean inoizkorik intzidentzia tasa baxuena dauka: 18,82. Herri bat edo bestek 60ko tasa eduki izan badute ere, 5.000 biztanle baino gehiagoko herri bakar batek ere ez du horrelako tasa baxua eduki. Gune berdean egoten jarraitzen du.
Herriz herriko intzidentzia tasa (eguneratuta):
- Amoroto: 0 (=)
- Aulesti: 149,70 (=)
- Berriatua: 238,66 (azken orduetan 80 puntu inguru jaitsi da)
- Etxebarria: 0 (=)
- Gizaburuaga: 500 (=)
- Ispaster: 0 (=)
- Lekeitio: 152,21 (=)
- Markina-Xemein: 99,50 (=)
- Mendexa: o (=)
- Munitibar: 0 (=)
- Mutriku: 18,82 (azken orduetan 19 puntu jaitsi da)
- Ondarroa: 291,82 (azken orduetan 80 puntu inguru jaitsi da)
- Ziortza-Bolibar: 0 (=)
Gotzone Sagardui Osasun sailburuak atzo [otsailak 24] esan zuen birusak atzera egiten jarraitzen duela baina beherakada “moteltzen” ari dela. “Erne jarraitu behar dugu, eta birusarekin bizitzen ikasten jarraitu”.
Gune gorrian dauden herrien zerrenda ere gaur [otsailak 25] eguneratu du Jaurlaritzak:
- 5.000 biztanletik gora dutenak: Derio (852,49), Oñati (1.360,31), Santurtzi (689,99) eta Sopela (516,13).
- 5.000 biztanle baino gutxiago dutenak: Gaubea (1.033,83).
