Azken orduetan sei kasu gehiago erregistratu dituzte Lea-Artibain
Lekeition, Markina-Xemeinen eta Ondarroan erregistratu dituzte kasu gehiago; herri bakoitzean bina kasu atzeman dituzte. Ondorioz, Markina-Xemeingo intzidentzia tasa igo egin da, eta herria gune berdean egotetik gune horian egotera pasatu da. Mutrikuk 0 tasa edukitzen jarraitzen du.
Azken 24 orduetan Lekeition, Markina-Xemeinen eta Ondarroan erregistratu dituzte kasu gehiago; herri bakoitzean bina kasu erregistratu dituzte. Horren ondorioz, Markina-Xemeingo intzidentzia tasa 40 puntu inguru igo da, eta gune berdean egotetik gune horian egotera pasatu da; atzo [martxoak 1] 39,80ko tasa zeukan, gaur [martxoak 2], baina, 79,60ko tasa dauka.
Mutrikuren tasak 0 izaten jarraitzen du, eta gune berdean egoten jarraitzen du. Gainerako herrietan ere intzidentzia tasa mantendu egin da.
Herriz herriko intzidentzia tasa (eguneratuta):
- Amoroto: 0 (=)
- Aulesti: 0 (=)
- Berriatua: 159,11 (=)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 221,39 (=)
- Markina-Xemein: 79,60 (40 puntu inguru igo da)
- Mendexa: o (=)
- Munitibar: 0 (=)
- Mutriku: 0 (=)
- Ondarroa: 175,09 (=)
- Ziortza-Bolibar: 0 (=)
Joan den aste osoan (otsailaren 22tik 28ra) Lea-Artibain 14 kasu erregistratu zituzten; aste osoan Mutrikun ez zuten kasurik erregistratu. Hemen herriz herri erregistratutako kasuak:
- Lekeitio: 10
- Ondarroa: 3
- Markina-Xemein: 1
- Amoroto: 0
- Aulesti: 0
- Berriatua: 0
- Gizaburuaga: 0
- Ispaster: 0
- Mendexa: 0
- Munitibar: 0
- Mutriku: 0
Gune gorrian dauden herrien zerrenda ere eguneratu zuen atzo [martxoak 1] Jaurlaritzak. Eta gune gorrian bakarrik 3 herri daude, eta hirurak 5.000 biztanletik gorakoak dira; 5.000 biztanletik beherako herri bakar bat ere ez dago gune gorrian: Oñati (994,07), Santurtzi (600,74) eta Derio (578,47).
Ostalaritzari dagokionez, Gotzone Sagardui Osasun sailburuak esan du sozializazio espazioek prebentzio neurriak lasaitzera eramaten dutela, eta horrek datu epideimologikoetan eragiten duela. “Intzidentziaren jaitsiera moteldu egin da, eta espazio horietan maskara behar bezala erabiltzeko deia egiten dugu”.
Bestetik, sailburuak martxoaren 8ko aldarrikapenei eustearen alde egin du, baina modu ezberdinean. “Ez da deialdi jendetsuak egiteko garaia”.
Labi Aholku Batzordea barikuan [martxoak 5] batuko da eta egoeraren azterketa sakona egingo dutela aurreratu dute. Besteak beste, astelehenetik aurrera [martxoak 8] indarrean egongo diren neurri berriak iragarriko dituzte.
