Beste zortzi kasu erregistratu dituzte Lea-Artibai eta Mutrikun
Azken orduetan Ondarroan (5), Mutrikun (2) eta Lekeition (1) erregistratu dituzte kasuak. Horren ondorioz, Lekeitio eta Mutrikuko intzidentzia tasek gora egin dute. Neurriak zorroztearen aurka agertu da Urkullu, betiere orain indarrean daudenak "zorroztasunez" betetzen badira.
Azken orduetan 5 kasu erregistratu dituzte Ondarroan, 2 Mutrikun eta 1 Lekeition. Oro har, kutxatzeen bilakaeran geldialdia somatu dutela esan du Iñigo Urkullu lehendakariak, baina orain arte ezarritako neurri murriztaileak “nahikoa” direla gaineratu du. Kasu berriak erregistratu dituztela eta, Lekeitio eta Mutrikuko intzidentzia tasak igo egin dira.
Neurriak zorroztearen aurka agertu da Urkullu, betiere orain indarrean daudenak “zorroztasunez” betetzen badira. Kezka azaldu zuen lehendakariak, kutxatzeen bilakaeran geldialdia somatu dutelako, eta berriro esan du “zorrotz eta erantzukizunez” jokatu beharra dagoela. “Martxoaren 5ean hartu genituen neurriak nahikoa dira, denok zorroztasunez jokatzen badugu. Bizitzak salbatzea eta norbere osasuna zaintzea da helburua”. Gehitu du etengabe ari direla aztertzen Araba, Bizkai eta Gipuzkoako egoera epidemiologikoa: hain zuzen ere, gaur [martxoak 18] bilduko da Labi aholku batzordeko batzorde teknikoa.
Herriz herriko intzidentzia tasa (eguneratuta):
- Amoroto: 1.204,82 (=)
- Aulesti: 0 (=)
- Berriatua: 318,22 (=)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 83,02 (14 puntu inguru igo da)
- Markina-Xemein: 298,51 (20 puntu inguru jaitsi da)
- Mendexa: 0 (=)
- Munitibar: 0 (=)
- Mutriku: 207,00 (ia 40 puntu igo da)
- Ondarroa: 221,78 (=)
- Ziortza-Bolibar: 0 (=)
OHARRA: Martxoaren 19a jai eguna denez, Jaurlaritzak astelehenean eguneratuko ditu datuak.
