Hamabost kasu gehiago erregistratu dituzte Lea-Artibai eta Mutrikun
Eguenetik domekara bitartean Ondarroan erregistratu dituzte kasu gehienak (8); Markina-Xemeinen (4), Lekeition (1), Mutrikun (1) eta Aulestin (1) ere erregistratu dituzte. Joan den aste osoan 35 kasu erregistratu zituzten Lea-Artibai eta Mutrikun, duela bi aste baino 11 kasu gehiago, eta duela hiru aste baino bat gehiago.
Barikua –martxoak 19– jai eguna izan zenez, Jaurlaritzak ez zituen herriz herriko datuak eman. Beraz, joan den asteko eguenetik domekara bitartean [martxoak 18tik 21era], 15 kasu erregistratu dituzte Lea-Artibai eta Mutrikun. Eta kasu erdiak baino gehiago Ondarroan erregistratu dituzte (8). Gainontzeko kasuak ondoko herrietan erregistratu dituzte: Markina-Xemein (4), Lekeitio (1), Mutriku (1) eta Aulesti (1).
Guztira, joan den aste osoan 35 kasu erregistratu zituzten Lea-Artibai eta Mutrikun, duela bi aste baino 11 kasu gehiago eta duela hiru aste baino bat gehiago. Beraz, joera orokorraren isla da Lea-Artibai eta Mutrikuko egoera ere: intzidentzia kasuak goraka doaz, gutxinaka bada ere.
Joan den aste osoan [martxoak 15etik 21era] ondoko herrietan erregistratu zituzten kasuak: Ondarroa (17), Markina-Xemein (7), Mutriku (4), Lekeitio (3), Berriatua (2), Amoroto (1) eta Aulesti (1). Gainerako herrietan ez zuten kasurik erregistratu.
Gaur esan dute baita ere Espainiako Osasun Publikoko Batzordeak erabaki duela AstraZenecaren txertoa 18 eta 65 urte artekoei ematea. Osasun Publikoko Batzordearen irizpidea eztabaidatuko dute Osasuneko Lurralde arteko Kontseiluan, eta han berretsi beharko dute erabakia. Araban, Bizkaian eta Gipuzkoan, esaterako, eguaztenean berrekingo diote AstraZeneca txertoa jartzeari.
Herriz herriko intzidentzia tasa (eguneratuta):
- Amoroto: 240,96 (joan den asteko eguenean –martxoak 18– 1.204,82ko tasa zeukan)
- Aulesti: 149,70 (eguenean 0 tasa zeukan)
- Berriatua: 238,66 (80 puntu inguru jaitsi da)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 96,86 (13 puntu inguru igo da)
- Markina-Xemein: 258,71 (40 puntu inguru jaitsi da)
- Mendexa: 0 (=)
- Munitibar: 0 (=)
- Mutriku: 225,82 (ia 20 puntu igo da)
- Ondarroa: 280,14 (ia 60 puntu igo da)
- Ziortza-Bolibar: 0 (=)
