2021/3/22

Ikasle Abertzaleak hezkuntza ereduaren aurkako manifestazioa Markina-Xemein

Ikasleek hezkuntza sistemaren "autoritarismoa" salatuko dute kalean

Mobilizazioak deitu dituzte martxoaren 25erako; Lea-Artibai mailan Ondarroan egingo dute manifestazioa. Pandemia garaian hezkuntza sistemaren arazo estrukturalak areagotu egin direla salatu nahi dute ikasleek.

Esan sindikatuak zalantzan jarri du Mutrikuko udaltzainen eta herritarren segurtasuna

Sindikatuak dio Mutrikuko Udaltzaingoaren lantaldea txikia dela baina udalak ez duela nahi udaltzain gehiago kontratatu. Esanek gaineratu du arreta jarri nahi dutela bikoteka lan egiteko dagoen premian.

Quincoces eta Riba bigarren sailkatu dira Bikotekako Espainiako Txapelketan

Hasieran txapeldunekin lehia polita eduki zutela azaldu du mendi eskiatzaile mendexarrak.

Bi bandera irabazi ditu asteburuan Ondarroako emakumezkoen traineruak

Zorrotzaurreko Uharteari I. Itzulian eta Portugaleteko San Nikolas IX. Traineru Jaitsieran azkarrenak izan dira. Duela urte bi uretaratutako traineruak denboraldi-aurrea bikain hasi dutela azpimarratu du Koldo Azpiazu Ondarroa Arraun Elkarteko presidenteak.

Eliz Ateako gasolindegia turismo bulego bihurtzen hasiko dira

Azken osoko bilkuran ia 400.000 euroko kreditu aldaketa onartu zuen udalak inbertsioetarako; diru kopuru horretako zati bat gasolindegi zaharraren eraikina berriztera bideratuko dute.

Sute batek kalte handiak eragin ditu Ondarroako Dongreneko eraikinean

Kalte materialak handiak izan badira ere, inor ez da zauritu. Suteak Dongre eraikineko egituran kalte nabarmenak eragin ditu, eta ziuraski, eraitsi egin beharko dute.

Gaviotako lan istripuan hildako herritarraren heriotza salatu dute Lekeition

Lan arloan ematen den prekarizazioak ondorio lazgarriak dituela azpimarratu dute. Hamabi dira, urte hasieratik Euskal Herrian hildako beharginak.

Mutrikuko Putz Band eta Zuek esan taldeen kontzertua, Zabielen

Kontzertuak barikuan [martxoak 26] izango dira, eta doako gonbidapena eskatu behar da. Hemen gonbidapena eskatzeko lotura.

Hirugarren maila futbola

Aurrerak Urgatziri irabazi dio Zaldupen

Hirugarren Mailaren azken jardunaldian, Aurrerak 4-1 irabazi dio Urgatzi KKri. Amaitu berri duten ligaren lehen fase honetan, 20 puntu bildu ditu talde ondarrutarrak, eta zortzigarren sailkatu da.

AstraZenecaren txertoa 18 eta 65 urte artekoei ematea adostu dute

Oxfordeko Unibertsitateak eta AstraZeneca enpresak sortutako txertoak %79ko eraginkortasun maila du COVID-19aren sintomak prebenitzeko, eta ospitalizazioa eragiten duten sintomarik larrienei aurre egiteko, berriz, %100eko babesa ematen du.

Ion Orzaiz (Berria)

Hamabost kasu gehiago erregistratu dituzte Lea-Artibai eta Mutrikun

Eguenetik domekara bitartean Ondarroan erregistratu dituzte kasu gehienak (8); Markina-Xemeinen (4), Lekeition (1), Mutrikun (1) eta Aulestin (1) ere erregistratu dituzte. Joan den aste osoan 35 kasu erregistratu zituzten Lea-Artibai eta Mutrikun, duela bi aste baino 11 kasu gehiago, eta duela hiru aste baino bat gehiago.

Lekeitioko turismo bulegoak bere eskaintza handituko du Aste Santuan

Marierrota ere berriro irekiko dute eta Santa Katalina Itsasargiak ere bisitak jasoko ditu.

Gehiago