Etxebarriko probalekuan emango dituzte eskolak. Parte hartzeko aurretiaz izena eman behar da.
ETX kultur elkarteak xake ikastaroa antolatu du martxoaren 29rako eta 31rako. Etxebarriko probalekuan eskainiko dute ikastaroa, 16:30ean hasita.
Aurreratu dutenez, ikastaroan xakean jolasteko oinarrizko arauak azalduko dituzte, piezen oinarrizko mugimenduak eta taktikak landuko dituzte, besteak beste.
Binaka edo hirunaka parte hartu ahalko da ikastaroan, eta partaideak familia berekoak izan beharko dira. Gainera, bakoitzak bere xakeko taula eraman beharko du ikastarora.
Xake ikastaroan parte hartu nahi dutenek mezu bat bidali behar dute ETX elkartearen helbide elektronikora: etxkulturelkartea@gmail.com.
Iruzkinen atala
