Beste bost kasu erregistratu dituzte Lea-Artibain
Azken orduetan Ondarroan (2), Lekeition (2) eta Ziortza-Bolbiarren (1) erregistratu dituzte kasuak. Lekeitio gune berdean egotetik gune horian egotera pasatu da. Bihar [martxoak 26] batuko da Labi, eta esan dute mahai gainean daudela joan-etorriak mugatzeko eta establezimenduen ordutegiak gehiago zorrozteko aukerak.
Intzidentzia tasak ere kasuak erregistratu dituzten herrietan igo dira, eta gainerakoetan berdin mantendu edo jaitsi egin dira. Ondarroak gune laranjan egoten jarraitzen du, eta Ziortza-Bolibarrek azken asteetan 0 tasa eduki badu ere, kasu bat erregistratu dutenez 227,79ko tasa dauka orain. Lekeitio 55,35ko tasa edukitzetik 83,02ko tasa edukitzera pasatu da.
Labi, bihar [martxoak 26]. Bestalde, Iñigo Urkullu lehendakariak Labi aholku batzordearen bilera deitu du biharko [martxoak 26]; neurriak “gogortzeko” aukera aztertzen ari direla esan du. Horren haritik, aurreratu du intzidentziak “goranzko joerari” eusten jarraitzen badio, mahai gainean daudela joan-etorriak mugatzea, udalerrien edo lurralde historikoen araberako konfinamendu perimetralak berriro ezartzea eta establezimenduen ordutegiak gehiago zorroztea. 16:30ean batuko da aholku batzordea.
Herriz herriko intzidentzia tasa (eguneratuta):
- Amoroto: 240,96 (=)
- Aulesti: 449,10 (=)
- Berriatua: 159,11 (80 puntu inguru jaitsi da)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 83,02 (ia 30 puntu igo da)
- Markina-Xemein: 298,51 (=)
- Mendexa: 0 (=)
- Munitibar: 0 (=)
- Mutriku: 169,36 (ia 80 puntu jaitsi da)
- Ondarroa: 420,22 (12 puntu inguru igo da)
- Ziortza-Bolibar: 227,79 (azken asteetan 0 tasa eduki du)
